【點新聞報道】無綫《女神配對計劃》，昨晚（15日）播出的第二集繼續迎來震撼彈。繼第一集曾展望GM向葉蒨文Sophie勇敢告白贏盡好評、感動萬千網民後，今集有「翻版王浩信」之稱的林俊其（Kris）勇敢向暗戀多時的羅毓儀Yuki真情告白。
林俊其告白成功，葉蒨文絕對功不可沒。由於Kris冇開名，Yuki全程零疑惑零反應，葉蒨文見狀即出手幫忙撳燈，讓Kris有出場表白機會，最終Kris講出心儀女神是羅毓儀，令Yuki大為震撼。Yuki稍作鎮定後追問Kris：「但你幾時開始…（鍾意我）？我哋都識咗一段時間？」Kris聞言害羞地笑說：「坦白講都有留意好耐架喇，直到有次公司大型show見到佢有個位唔夠高拎嘢，跟住我好想過去幫佢…」並冧爆表示喜歡Yuki「成日笑」。Kris又說：「我個人比較慢熱少少嘅，希望可以慢慢咁樣靠近你，希望唔好好似啱啱咁，一嚟就嚇親你。」Yuki眼泛淚光兼含羞答答回應：「唔會呀，我其實好開心…因為…嗯…係喇，好開心。」
Yuki的三個心動名額早已爆滿，Kris一再真情剖白，令Yuki再度失守，Yuki：「死啦，我感動到想喊！（哽咽）其實我唔係好估到，其實我哋叫做冇乜交集，但你好似好了解我咁。」
Yuki事後受訪問時說，數度哽咽：「佢不單止睇得出自卑嘅我，佢直頭包容呢樣嘢，甚至乎係因為呢樣嘢鍾意我。我估唔到會有人鍾意咁樣嘅自己，所以佢咁講我嗰下有啲激動。」最終，Yuki決定放棄只有21歲的康嘉泰，將其中一個位置讓給Kris；而Yuki上前為Kris配戴「心動頸鏈」時，二人忍不住一再甜笑及甜蜜對望。
（點新聞特約記者陳惠芳報道）
收藏
分享
稿件由上傳 · 文責自負 · 不代表本網立場
