【點新聞報道】蕭正楠和陳家樂初為人父，昨日（6月15日）度首個父親節，心情特別興奮。至於兩女之父洪永城，則留言希望可以瞓到自然醒。胡杏兒上載丈夫同三個兒子照片，粉碎婚變傳言。
蕭正楠看圖解惦念
蕭正楠身在馬來西亞工作，黃翠如在IG分享與小朋友的歡樂時光，他見到兒子一解思愁。正楠與翠如的兒子在今年3月出世，黃翠如寫道：「第一屆父親節黑圖日😂送給遠在馬來西亞的父親，圖一：屋企兩隻肉；圖二：我唔知點解佢掃風要唱呢首歌；圖三：阿爸腳趾湊B法；圖四：腳趾對腳趾；圖五：估歌仔；圖六：而家行路慣咗跟住音樂；圖七：一路掃地，一路估歌仔；圖八：一齊瞓着咗；圖九：父親節快樂PaPa is ❤️ the best」。
家樂獨與女兒過節
至於陳家樂去年7月迎來囡囡Camila。太太連詩雅最近忙於舞台劇，未能一起慶祝父親節，但出門前亦有拍下囡囡連錫三啖爸爸的片段，家樂一臉陶醉樣子，囡囡更開心到拍手。
連詩雅寫道：「第一個父親節，不過因為我要全日公演，都冇時間陪你過，唯有派你嘅前世情人，嚟代我錫錫你，今後每一個父親節，都陪住你，辛苦啦爸爸❤️亦都辛苦曬爸爸，父親節快樂！」
洪永城湊兩女筋疲力盡
洪永城與太太梁諾妍今年3月增添新成員細女「Sir Nose」妹妹Beryl。今年父親節有兩女相陪特別熱鬧，洪永城寫道：「父親節，我希望我可以快樂，容許有少少願望希望可以成真。😮瞓到自然醒（好明顯已經唔得喇，大家姐Molly（狗仔）已經擒上我身話要食早餐）夜晚扮哥斯拉搏擊嘅時候，俾我贏番晚可以嗎？ 同埋我唔好每次都輸起鴛鴦乾坤扭紋鎖度，得嗎？平靜地，安靜地享受上天賜俾我的晚餐，而唔需要左執右執佢哋跌落地下的食物。去廁所我坐幾耐就幾耐唔好敲我門。我要求簡單啫，就係咁多。@inez_leong 幫幫我可唔可以？」
蕭正楠見字留言：「你兩個女做咗好多人都想做嘅嘢，就係圍毆你❤️」，陳家樂：「父親節快樂」。
杏兒曬父子相證幸福
早前胡杏兒老公李乘德被爆在夜店連環攬女，事後李乘德自認「擁抱者」，而胡杏兒亦表明認識被她老公擁抱的幾位女士，二人更拖手看林峯演唱會，粉碎傳言。但日前胡杏兒因被指手上婚戒「失蹤」多時，令婚變傳言再起。
杏兒趁父親節，在IG上載10張老公與三名兒子的合照慶祝父親節，留言表示：「To our most loving daddy, happy Father's Day!!」，似是以正視聽。
（點新聞特約記者陳惠芳報道）
收藏
取消收藏
分享
