【點新聞報道】有乘客日前在網上發帖稱，乘搭的士時實際費用37.3元，而當自己準備好付款時，的士司機開口要價40元，由於趕時間，乘客只得無奈照付。
樓主在Threads發帖表示，自己當天乘搭的士前往診所，預計車費大約30幾元，於是提前準備好了零錢。到達目的地後，樓主將37.3元遞給的士司機時，對方竟開口要價40元車費，樓主表示疑惑「？？我有齊$37.3」，惟司機堅持要收40元，為了節省時間，樓主只得照價支付。他事後感歎「你搵食辛苦，家陣我又好輕鬆？黑社會咁款，畀返$2.7我呀。」
帖文引來網民熱議，許多人指責司機做法，稱樓主當時應該直接將零錢放下離開「其實你趕時間咪照畀37.3落車，你已經拎咗，佢話40你又要再拎，你唔係用多咗時間咩」、「你應該照畀37.3，然後落車」、「有毫子散子畀37.3，無就畀38，點解要畀多2蚊佢」、「你做咩妥協」、「咁就過分咗，佢嘅四捨五入範圍咁闊嘅，同佢講你嘅四捨五入範圍係百位喎」、「佢都係恰你趕時間咋嘛」。
收藏
取消收藏
分享
稿件由上傳 · 文責自負 · 不代表本網立場
