【點新聞報道】英國治安差，早已為人詬病。有移英港女近日發文分享被偷手機的經歷，話「早幾日比人偷咗部電話，但個賊即刻遞番畀我」，估計對方見到部電話「iPhone 12 Mini」唔開胃，才會將手機物歸原主。
該名移英港女在社交平台threads發文分享英國日常，表示當日放工在Oxford street 行去搭車，平時間都會貪方便將手機放喺風褸袋，但會用手擋住或插住入口袋，惟當時因為一邊拿着麥當勞外帶，一邊行路及吃薯條，點知忽然感到風褸變輕了「再摸一摸，電話真係無咗」，便即刻調轉頭追賊，但跑了兩步自知渺茫，「又唔知邊個，又無人跑緊」。
正當樓主放棄之際，竟有名男人遞部手機給她，「周圍望下望下之際，企喺隔離嗰個男人遞部電話比我」。樓主問對方是誰偷走其手機，「佢指住前面嗰個人」，惟樓主不相信該男子，「好明顯係佢自己啦，我問嚟都多Ｘ餘，我拎番就走咗。」
樓主事後認為，「可能佢見到我部電話都唔開胃，iPhone 12 Mini」，並笑言「最強防盗就係唔好用iPhone」、「但我依家trade in其實都有£120 」。
帖文引起不少網民熱議，有人分享自己或朋友的類似經歷，「我都試過，爛咗mon嘅iPhone7，對面個人話我知佢拎我電話，我追佢，佢畀返我，同我講sorry」、「我都試過iphone 12pro明明個賊偷完都行遠咗，但佢都遞返過黎俾我」、「我個fd試過喺英國夜晚行行吓俾個騎單車嘅人搶咗部電話，個賊望完部電話掉返落地俾佢」、「我直頭畀人搶咗之後佢應該見到唔係iPhone所以就咁扔咗落地走咗 」。
不過，並非個個都走運，「我冇你咁好彩，我部部iPhone用了唔夠三個月就俾賊仔在外套袋爬走了」、「我部iphone 15新買一個禮拜係oxford street 比人偷咗，仲搵到個賊，不過最後放咗佢走」、「我前日同家姐喺Regent Street 用電話搵餐廳條路，一架單車行過就搶咗佢部iPhone 16 Pro」。
收藏
取消收藏
分享
