【點新聞報道】「影后」衛詩雅（Michelle）、林奕匡（Phil）和柯煒林（Will）今日（12日）在中環出席活動。衛詩雅的醫生丈夫周祉安（Kenley）早前在社交平台撰長文感謝太太，分享兩年前接受手術後不幸出現後遺症，幸有太太身邊照顧，直言娶到她是三生有幸。
Michelle表示丈夫至今仍未完全康復，尾龍骨、盆骨位置不時會感到痛楚，令她心痛。她說：「他兩年前因為尾龍骨做咗個小手術，但唔好彩出現併發症，雖然傷口已好番，但裏面就有炎症，導致盆骨、尾龍骨位置疼痛。已經看過很多不同醫生，惜至今仍未找到根治方法。一個簡單嘅手術會搞到咁麻煩，我都估唔到，見到佢全身麻醉我已喊出來。」
Michelle稱經過這件事他們患難見真情：「佢都有講唔好意思，因為痛，有時都會呻，我都好明白嘅，佢都屈咗好耐。」談到丈夫指娶到她是「三生有幸」，她說：「我都係三生有幸，佢冇講佢自己嘅好啫，我發脾氣、唔開心他都好識安慰我，互相支持。」婚後一直未有生育計劃的Michelle，問到是否丈夫患病而打消生BB念頭，她笑言：「唔關事，他所有嘢都正常㗎，只係痛，而且我們沒說一定生BB，順其自然。」
Michelle雖然明天要飛到外地工作，但透露近期多了時間休息，愛吃榴槤的她幾乎每晚吃1個，相當滿足。她又主動澄清加價傳聞：「我聽到有啲人想搵我做嘢，話我加咗價好貴，其實我冇加價，仲減價，因為都知依家大家艱難，希望大家都有工作。」
林奕匡今日40歲生日，他表示會與家人吃飯慶祝，透露今早收到最甜蜜的禮物：「因為個仔得9個月大，因為衞生問題，今朝係第一次同佢錫咀仔，真係好開心！」講到在港台頒獎禮，雖然他得獎，但他與所屬的Sony Music全體缺席，據知因Sony Music與港台不和。他表示：「冇聽過不和傳聞，因為嗰日有工作，所以出席唔到，其他嘢就要問番公司。」
（點新聞特約記者陳惠芳報道）
收藏
取消收藏
分享
