【點新聞報道】咁大隻蛤乸随街跳！有網民日前逛超級市場時，發現一盒標價「4仙」的墨魚滑，當然有買趁手，於是用信用卡支付「埋咗單走咗啦，真係收4仙」。帖文旋即引起網民熱議，「咁抵食，百年難遇」、「同我掃晒佢」、「1毫子唔洗找」。
該名網民日前在fb群組「AEON Stores 關注組」發文，表示「今日荔枝角AEON墨魚滑好抵，4仙一盒」，從其上載的相片可見，一盒「鮮墨魚滑（細份）」標價為「$0.04」，即4仙，該墨魚滑食用日期至翌日，即5月30日。
帖文引起網民熱議，「豪少少，擺低一毫子之後大聲話唔使找」、「俾夠1毫佢，唔使找」、「比1毫，記得找錢」、「升仙價」、「比1毫佢不用找，豪一豪佢！」、「回到80年前的價啊！」、「抵食啦！」、「合理化咗自己貪小便宜嘅行為」、「其實買到呢類貼錯價錢嘅食物算係執死雞。」
不少網民都認為只是員工「標錯價」，「應該係40蚊！」、「40變$0.04？」、「通知職員啦，害咗人呀」、「打錯價錢！」、「俾佢老細知道咗，個職員就俾人鬧喇」、「應該比番職員再貼過價錢貼紙！」。
另有網民分享類似經驗，「四仙就未買過，但我在百佳試過佢哋打錯價，我拎埋櫃檯比錢，佢哋話打錯價但都照賣畀我，然後大聲叫人去改返價！如果佢唔賣畀我，就違反商品說明條例」、「我試過通常大間的都會跟返個價賣比你唔會得失個客人，之後再去貨架改返。」不過，另有網民敗走，「之前試過，過唔到機」、「錯價貨品去到收銀，就會話打錯，要收正價，問你仲要唔要，好少可直接收錯價畀你，都係逼你放棄」。
收藏
取消收藏
分享
稿件由上傳 · 文責自負 · 不代表本網立場
