【點新聞報道】不少港人移民英國遭受歧視，淪為「二等公民」的事不勝枚舉。近日有機構在網上發文問同移英港人到埗後有冇試過被人歧視，結果釣出一班苦主，有人被帶有侮辱性質的字眼貶損、有人被推撞、有人被吐口水，有人更話「10隻手指都數唔晒」。
一個名為「onyoursideuk」的英國資助機構，近日在社交平台threads向移英港人提問，「大家嚟到英國之後有冇試過被人歧視？或者有冇聽過其他親友遇過呢啲情況？例如返工、喺學校、街上面、搭車，又或者鄰里之間？」
帖文引來不少移英網民留言訴苦，有移英學生稱遭受歧視騷擾，「試過行返學，嗰陣讀中學有校服大約1年前，有位白人媽媽帶兩個女返學，經過我好大聲咁講I see something yellow ，眼神也不友善」、「試過起室外上課嗰陣時，有一班人起對面馬路經過突然有一個人除褲騷擾我哋，好彩唔知係咪有人睇到有老師在場，所以冇咁囂張」、「行過公園有兩個初中生嗌chong chong」。
另有移英港人在生活上遇到歧視經歷，「有一次夜晚過隔嚟城，高雲慈，車裏面班人特登開窗，大聲嗌，spring roll, fried rice。我過咗一秒，車走咗，至醒覺，遲咗。另一次就倫敦係regent street 影燈飾，老婆就迎面同個白人女人互阻，個白人講咗句 Chinese dog。」
有移英夫婦則大呻曾遭吐口水和誣衊，「我哋試過在Oxford circus行落地鐵站，有白人向我老公吐口水。又試過落雨揸住把遮在巴士站出面靠牆一邊等車，周圍無人，一個黑人特登走來話我把遮篤到佢隻眼。最近試過出地鐵時，有三個細路向我掉支類似可樂嘅嘢，打中我個肚；跟著我即刻鬧番佢哋，我老公拎起支嘢掉返佢哋！」
有移英港人曾被推撞、丟垃圾，「喺商場迎面有位白人婆婆用不友善眼神望住我，我立刻行則一邊，但佢仍然行近我用手袋撞我 」、「去asda買完嘢喺門口突然俾人搵粒糖扔中個頭」、「我試過搭巴士落車時，後面有兩個鬼妹掉咗張糖紙係我條頸度，個一下好驚，真係比佢嚇親」。
收藏
取消收藏
分享
