【點新聞報道】不少長者都未適應外國生活，一名移英港人近日發文指，父母在移英後變得沉默，每日都坐喺屋企望天花，連超市都唔敢一個人行，由原本精靈的老人家變得沉默，「甚至唔敢講出口自己其實好唔開心」。
網民「ale_channelhk」在社交平台threads以「英國生活」為題發文，分享年邁父母隨自己移英後的生活，「移咗英國之後，發現最難適應的，唔係天氣，唔係文化，係爸爸媽媽的沉默。喺香港佢哋成日話：『返工啦，唔好嘥時間』。而家嚟到英國，明明有晒時間，但每日都喺屋企坐住望天花，連超市都唔敢一個人行。唔識英文、唔識搭巴士、睇唔明信件、唔敢睇醫生。平時最精靈嗰個，變得細聲講嘢，唔敢麻煩人。你同佢講：『英國咁舒服呀，慢活生活呀！』，但佢喺心入面淨係問緊：『我喺度做咩？』」。
他續指，「移民，對後生仔係冒險，對老人家可能係告別熟悉的一切。佢哋冇朋友、冇社群、冇自信，甚至唔敢講出口自己其實好唔開心。所以，如果你有父母一齊嚟，記住：陪佢行多幾次Tesco，教佢點樣喺GP登記，唔好嫌佢問多句，唔好當佢咩都唔識。因為你嚟緊係新生活，但佢哋，可能係重新學習點樣生活」。
不少網民看後都心疼兩老，直言在事件中只看到不孝，「好心你哋帶佢哋返香港喇」、「叫佢哋返香港住」、「對於移民嘅長者來說，真係好容易抑鬱」、「其實，兩老可以在香港生活，都幾十歲了，沒必要困坐愁城，好好享受餘下光陰」、「如果自願移還好，為咗後生而走，真係一世兒女債」、「熟悉周圍先可以慢活，陌生地方只會感到不安，何來慢活。父母為咗你放棄熟悉嘅香港係自私，反而為父母留喺香港先最值得尊重」。
另有年長網民留言分享自己的經歷，「我和外子在英個謀生已55年，退休已13年了，仍然不喜歡英國生活，無奈已習慣了，不過，思鄉之情仍在；但以往日忙著工作和照顧子女們， 不覺得時間難過！但對老人家而言，強迫他／她們與子女們移民外國，簡直是虐侍，天天對著四面牆，無人聊天，無香港美食，無得與街坊老朋友行街飲茶等等等……皆因言語不通，要在一大把年紀重頭開始再學新事物，是何等辛苦？ 我有實例在此，我的奶奶在45歲來英給大兒子照顧兒女，一直至1997年往生，期間，天天在家像坐牢一樣，除了偶然其他子女來探望，或哥哥間中帶她外出飲茶之外，從不自己出門半步！」
收藏
取消收藏
分享
