【點新聞報道】有移英港男初來貴境人生地不熟，天真地相信所謂的「香港人幫香港人」，獲介紹到一間港人開創的公司工作，豈料被僱主拖欠兩個月薪金，大呻「大佬小弟我20幾歲英國過嚟返第一份工，點知就遇到啲咁嘅人」。樓主求助無門遂上網向網民求救，不少網民都建議提告，「佢擺明係恰你後生仔，博你唔反抗」。
該名移英港男在fb群組「從零開始移民英國:香港人圍爐區」發文講述遭遇，「此人名叫陳Ｘ公司係喺Bolton當初人哋介紹我去，去到做嘢，一開頭話出現金先遲啲再搞返NI幫我搞，好喇，之後返咗一個月多啲無啦啦話佢公司account有問題出唔到糧畀我」。
其後，該僱主更諸多藉口拖延支薪，「由4月到依家6月中仲差我2000幾鎊嘅人工都唔出返畀我，一路講埋晒啲藉口出嚟話點點點，銀行又有問題，到最後話叫我畀晒啲資料佢畀Right to work同NI number佢，畀完佢之後，又話一個禮拜會出返畀我，到依家過成個禮拜又無晒反應」。
樓主無奈之下，惟有上網向網民求救，「大佬小弟我20幾歲英國過嚟返第一份工，點知就遇到啲咁嘅人，究竟我依家可以點樣做」、「大家知唔知有啲咩方法可以追討欠薪，打比佢又唔聽，whatsapp佢又已讀不回」。
樓主又透露，該名僱主是持BNO移英，在英國創業，「佢就係一路諗住我20幾歲第一次喺呢邊返工，就喺度恰我。」樓主直斥，「依啲人真係好Ｘ街，我有晒record證明佢一路係到拖緊我，電話唔聽加已讀不回」，希望網民能廣傳，對此人加以警惕。
英國欠薪屬嚴重罪行，不少網民都建議提告，「佢擺明係恰你後生仔，博你唔反抗」、「我之前上當什麼香港人幫香港人，結果我盡地一煲，投訴＋爆料，內政部好快搵到佢地步，踢門＋拉人＋拉埋個細路老婆，home office立刻遞解出境！通知香港人境處」、「send呢個post畀佢最後通牒，唔應機就搵相關機構啦」。
收藏
取消收藏
分享
