【點新聞報道】現年75歲的薛家燕因前夫石保慶有第三者，1995年決定離婚，獨力養大三子女。薛家燕在2018年承認有一位拍拖12年的男朋友「A君」Andy，由於對方比她年輕17年，家燕姐好介懷，又擔心姊弟戀難走到終老而一度分手，直至早前接受衛詩雅訪問時漏口風表示已經復合，家燕更公開希望他們的愛是永恒。
家燕姐日前接受陳志雲網上頻道節目訪問，有傳聞家燕姐身家2億，提到身後事及財產分配問題，家燕姐表示不擔心，因為子女好乖每月都有給家用，笑說：「我話唔使，但係佢哋心意，我都多謝同感恩。」反而，家燕姐好在乎現在的另一半，她說：「我諗緊戀情……我大佢十幾年，初初唔敢接受，因我大佢咁多，係咪一時鍾意遲啲未必鍾意呢？佢有好多選擇，但咁多年都對我咁好，有一晚唔記得話佢聽『Goodnite，see u in my dream』，佢就覺得點解今日冇咗你聲音。」她透露子女已經好接受「A君」，全家人去旅行都會預埋對方，家燕姐說：「我心掛住一樣嘢，我年紀比佢大，我可能比佢早走，如果普通夫婦差唔多年紀，走都係差一兩年，但我哋差十幾年，所以我諗多樣嘢。我有同我大女講，阿珊話唔緊要，enjoy你現在呢個moment，你都唔好諗咁多。」
家燕姐透露二人是經朋友介紹下認識，「A君」在內地經營餐館，被問到如何再次打動家燕姐令二人復合？家燕姐害羞說：「我好耐冇覆佢，佢好失落，我話不如算，我好忙，不如你識第二個女仔，佢就寫幾個字，你咁令我『肝腸寸斷』，哎呀，我好難過呀當時，sorry，咁佢可以識好多女仔嘛。」陳志雲表示：「哪個少女不多情？」
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
