港男遊英感物價太貴似被劫　「開始明移英點解要回流」

【點新聞報道】移英港人向來只准報喜不准報憂，估唔到就連去英國旅遊呻兩句都唔得。有港男日前在網上發文，指去英國旅遊10日，共使了9000港幣，形容「感覺到個城市每一秒都諗緊點樣打劫你」，直言「開始明移英點解要回流」。豈料，帖文惹嚟移英港人的批鬥，港男質疑是說中要害，才會引起他們的反彈。

該名港男在社交平台threads以「開始明：移英點解要回流」為題發文，分享自己到英國的經歷，形容走的時候「有如鬆了一口氣」，皆因英國物價實在太貴，「黎咗英國旅遊十日，今日走，走嘅時候我居然隱約感到開心，有如鬆了一口氣，成個人輕鬆哂，因為英國實在太貴」。樓主認為好多理應免費的公共資源都收費，「好似泊車咁，要收錢之餘仲要唔平，揸車入城市又收空氣清新費」，樓主直言「感覺到個城市每一秒都諗緊點樣打劫你」。

樓主表示，「呢十日，連租車+訓車+洗費，共使咗9000港幣，破哂我歷年消費紀錄」。最後，樓主亦不禁自嘲，「我都想同自己講聲『無錢就咪L學人去英國旅行』、『吓、餐廳係俾遊客食，本地人唔會出街食』」。

實話實說，點知卻挑動到一班移英港人的神經，不斷留言轟炸港男，「過嚟旅行同嚟生活係兩樣嘢，你將呢十日等同移民面對嘅困難，真係好Ｘ膚淺」、「你只係旅行10日，同移英生活係兩碼子嘅事。你以標題『回流』引流量，你成功咗」、「你來旅行，好多政府比嘅資源你睇唔到，淨係覺得人地打劫，咁樣去批判一個地方，公平？」、「移民後回流有好多原因，純粹只睇『價錢』的話比較片面」。

被圍插的港男不禁質疑，是說中要害，才會引起他們的反彈，「原來一講英國，好多人情緒異常激動，到底係我講得太偏離事實? 定係我唔小心講中大家某個情緒位?有D脆友仲鎖留言唔比回覆，到底英國對大家有咩咁大影響? 」。