女食客稱被屈走數「食霸王餐」　鴻星集團公開道歉

【點新聞報道】鴻星集團爆出食客投訴風波，有女網民在社交平台發文稱，4月29日在旺角新世紀廣場鴻星中菜午膳時，被侍應誣衊曾「食霸王餐」走數逾千元，最終報警處理。事發兩周後，鴻星集團在社交平台發文向事主公開道歉。

社交平台threads早前流傳一則由「陳姓」用戶發出的帖文，表示與同事4月29日一行8人到旺角新世紀廣場（MOKO）鴻星中菜（鴻星海鮮酒家）分店午膳時，被屈食霸王餐。當時，兩位侍應「阿姐」指控事主「兩個禮拜前有張單未埋」。事主否認並強調「第一次嚟」，但仍被「酒樓阿姐」針對輪流圍攻，「你真係有張單未賣喎」、「唔係話你有心走數，不過可能成班人嚟食飯事但一個唔記得咗」。

其後，事主直接向酒樓經理投訴，對方表示「個同事睇咗cctv話同你（事主）一模一樣樣」，事主感到愕然要求睇閉路電視，但餐廳就以私隱為由拒絕，事主決定報警處理。警察並無到場，只是透過電話調解，最後餐廳經理亦無道歉，仲比張單事主睇，話「張單千幾蚊係個阿姐自己食返」，又稱一個禮拜內向事主給予答覆。

事主在帖文中憤慨地表示，「又唔係我走佢數，但其實點都好啦，我嚟你度消費，仲要俾你屈，其實你就算點道歉都好，都補救唔到」。她又提醒網民：「如果你去依間嘢食飯、又係女仔、又長頭髮，你就有機俾阿姐話你走數，因為佢靠老點，老點話你係，咁你就係唔洗證據，因為阿姐對眼就係證據」。

事隔兩星期，鴻星集團周一（12日）在社交平台公開發文致歉，上款為「親愛的顧客陳小姐」，就事主當日「用餐體驗不如理想」致歉，並承諾加強團隊培訓同監督，杜絕同類事件發生。