移英回流港人怒轟「英國嘅香港人好多都係黐線同賤格」

【點新聞報道】英國移民圈所謂「香港人幫香港人」、「齊上齊落」，真係得啖笑！一名慶幸已回流的港女在社交平台發文，怒轟在英國認識的香港朋友離地又虛偽。結果帖文獲一班同樣選擇回流人士所認同，「我當時係英國都係傻仔信錯人」、「老實咁講，英國嘅香港人好多都係黐線同賤格」。

該名回流港女在社交平台threads發文表示，回想在英國認識的幾十個香港朋友都好假，當初更誤信他們而拖延了回港時間，「我仲onＸ地聽你哋講唔好返嚟，拖咗咁耐先返，我比agent騙租金要瞓街時你地係咪分租個梳化比我？收入期個班自己享受又叫人留低受苦，只係識得講好慘啊住埋晒d咁既地方，英國中下層區域本來就治安唔好又雜又爛又污糟又周街白卡佬白粉佬，香港比較窮既區都唔會行行下人搞你啊嘛？」樓主直斥班友都離地又虛偽，「算吧啦人地有自己家庭過得開開心心由你自生自滅，係我onＸ自己一個喺外國獨居啫」。

帖文引來同樣選擇回流人士留言，分享在英國經歷的類似苦況。有人自覺傻仔信錯人，「我當時係英國都係傻仔信錯人，嗰時洗衣機壞咗，但返工衫日日都要洗，打比個香港『朋友』講明情況，佢講咗好藉口唔想借洗衣機。其實我哋間屋相隔兩條街，我哋仲成日相約出去行街食嘢，又聽佢呻。經過呢次真係block咗佢」。

有人在職場被同路人篤背脊，「老實咁講，英國嘅香港人好多都係黐線同賤格，返工唔滿意另外一個香港人直接同白人投訴，之後仲要扮冇事」。有人則遇人不淑，「英國唔係人人啱住，我都係遇人不淑，好心出心出力幫『朋友』到需要幫助嘅時候人影都無個」。

有網民認為回流是個人選擇，「FB太多人講到香港有幾差幾差，返香港係作賤自己，講真英國經濟唔見得有幾好，搵唔到錢唔明留低有咩意思，最緊要搵到適合自己嘅地方，唔駛理人講咩」。