移英年半受歧視被騙租金　港女慶幸回流「返到嚟咩都開心晒」

【點新聞報道】移民英國圈子向來只准報喜不准報憂，若有一點批評必遭同路人批鬥。一名已回流的港女發文表示，「曾經喺英國住咗1.5年，回流返嚟香港已經一段日子」，直言回流係是個人選擇，其他人都無資格批評。她直言好慶幸回流返港，「返到嚟咩都開心晒，係曾經單純嘅我信移英朋友係同路人啫哈哈」。

該名港女在社交平台threads發文紀錄當時在英國嘅感受，指當日決定回流的導火線是被本地人騙租金，「我已有陰影無信心再搬再租第間屋，經紀明玩嘢都會寫衰我租務紀錄，請律師告佢又無咁大舊錢，再係咁落去要瞓街，寧願去歐洲住下青年旅舍都無咁嬲，與其無家可歸不如返『真正既屋企』算？」她直言好慶幸回流返港，「當時係一個星期內買機票、處理晒d嘢同寄家當返港，決定得好快！」

樓主憶述在英國的生活體驗，「我真係貼地到日日搭公共交通去返工同出市中心買嘢/見朋友，梗係試過比人笑Ｘ歧視、見人發酒癲發花癲、吸毒飲酒大癲大叫、都被咸濕佬撩過、睇住d人喺車上打交」。她笑言都試過被人搭訕，「當然都有2成機會有正常人撩我吹水講下生活嘢，但都唔係本地人，都係外國人黎打工個種」。

樓主表示，回想在英國認識的香港朋友都十分虛假，「班友都離地又虛偽，見慣人情冷暖，都明一個人去外國生活有社交圈子固然重要但唔好覺得港人有真心，講真，仲有d根本唔知我返咗嚟因傾傾下就無聯絡，好多時我主動搵朋友但已讀不回」。

樓主直指，「總之喺某d人眼中返屋企（香港）係叛徒，講英國好嘅一面或壞嘅一面都係錯」。回港後，樓主豁然開朗，表示「返到嚟咩都開心晒，係曾經單純嘅我信移英朋友係同路人啫哈哈」。