【點新聞報道】不少移英港人一有唔啱心意就上綱上線！近日有移英港媽在網上發文聲稱，在超市攞車仔時受到種族歧視，她心有不忿之餘，亦擔心兩名女兒在學校會同樣遭到歧視，直指「而家間間學校都強調diversity(多樣性)又唔容許校園bully(霸凌)，說穿了咪因為問題太嚴重」。於是她未雨綢繆，教定兩女兒要作出反擊「唔駛夾硬埋堆㗎。俾心機讀好書，用你地嘅成績去冚睇唔起你嘅人一巴啦！」
該名移英港媽在社交平台threads發文直指「英國從來都有racist同bully，無論工作，校園定日常生活」。她憶述，「早幾日喺我身上先發生咗一次。去supermarket(超市)攞車仔，由於前面位本地阿太手腳好慢，我呢啲急速步伐嘅香港人就提議同佢要咗架車仔，我俾咗自己個1鎊俾佢。其實呢啲事喺超市門口成日發生，但呢個阿太堅持話自己有個coin喺車，我話我可以同你要咗佢喎！佢話『I have a coin in it, I don’t want to swap for a fake one(我裏面有一枚硬幣，我不想換假幣)』」。樓主坦言感到被冒犯，指對方「Racist到呢！」。
惟樓主當下沒有反擊，「黎咗英國一段時間，個人善良咗，慢活咗反應又遲鈍咗，我當下竟然唔識反應！」。及後，其家人聞言亦覺得對方的說話含歧視成份，「咁樣racist嚟喎(我夠知啦)，你做乜唔反擊鬧番個阿太」。
樓主表示會記住今次教訓，同時又擔心兩名女兒在學校會同樣遭到歧視，「而家間間學校都強調diversity又唔容許校園bully，咁強調說穿了咪因為問題太嚴重」，所以她教導兩個女若遭到本地小朋友排斥的話，「唔駛夾硬埋堆㗎。俾心機讀好書，用你地嘅成績去冚睇唔起你嘅人一巴啦！」
不過，很多同路人看到移英港媽的經歷後並不買賬，「唔好每次一唔順利就話係racist」、「明明係就係你bully人 」、「咩叫係超市成日見有人咁攞架車，我從未試過亦未見過，可能有但一定唔係成日，英國人尤其年紀大的節奏慢，等多兩分鐘好難？你自己都識講你用緊香港mode，根本係攞嚟同人爭拗，人哋驚比人呃錢，或者真係有case用假幣換人真幣呢！你就覺得比人歧視，人地要返自己個幣唔得既？有啲買既代用幣係貴過£1架呀天材。一句到尾就係唔配合你，唔行你果套就係歧視你吓嘩？你直接講咪得囉！」
同路人對移英港媽的教女方式亦不敢苟同，「教個女俾人bully嘅回應係讀好書，我諗你咁醒目，讀書都唔會好，咁我係咪而家就可以用成績去冚你一巴」、「佢成日咁教育兩個女，又藐人哋英國人慢，本身已經勁Racist 」。
收藏
取消收藏
分享
