【點新聞報道】持BNO移英的港人當初口口聲聲話唔稀罕香港身份證，然而事實卻完全相反。有移英港人在網上大呻「喺法國一次過畀人偷晒BNO、特區護照、香港身份證、英國車牌」，卻唯獨好焦急地向網民詢問要怎樣補領香港身份證，無他嘅「因為某些原因，有機會隨時要用香港證件，所以去邊都真係要帶晒一套」囉。
該名移英港人在fb群組「香港人移民英國資訊分享」發文求救，表示「我喺法國一次過畀人偷晒BNO、特區護照、香港身份證、英國車牌。去咗英國駐法國大使館拎咗urgent travel documents返咗英國。已有報案紙，問題係點申請返香港身份證同特區護照，洗唔洗特登返香港搞？但點返香港又係一個問題？」
有網民提出質疑「其實點解去法國要帶齊兩本護照同香港身份證嘅」，樓主回覆指，「因為某些原因，有機會隨時要用香港證件，所以去邊都真係要帶晒一套」。不少網民建議向香港入境處求助，樓主卻百般不願地指「搵咗，佢可以喺大使館拎張嘢再返香港，所以我就搵緊有冇方法唔使返香港搞」。
其他網民留言則指「香港身份證就真係要返香港先可以補領」、「上香港特區政府官網申請番，備註番遺失的情況，希望能盡快補領」、「返香港係唔使身份證，特區護照都可以。兩樣都無，就BNO上機去到香港機場報失，報返個人資料都會比你入境」，不過樓主話怕買完機票，唔畀BNO上機喎。
收藏
取消收藏
分享
稿件由上傳 · 文責自負 · 不代表本網立場
