【點新聞報道】香港特區護照藏有精緻設計，一照紫外光燈就會發光！近日有港女在社交平台threads發布數張照片，並寫道，「原來HK passport（香港護照） 靚到癲！見有人講，於是我就照燈睇，真係靚到癲。仲要一路掀，一路變（夜景、紫荊花、蝴蝶），係咪全球最美passport ?」
從樓主上載的照片可見，她用紫外光燈（UV燈）照向香港護照後，映出非常漂亮的畫像，當中有維多利亞港由北角至上環的夜景、香港特區區花洋紫荊，也有小隻的蝴蝶等。她笑言，「嗰幾百蚊護照收費好抵，覺得個設計值，同埋好值得keep返留念，開始唔捨得被蓋印 」。樓主更提供拍攝方法，指「我呢啲相拍攝時間係：朝早陰天，喺房拉晒窗簾睇，睇到勁靚到夜晚，間房唔開燈再睇多次，又冇朝早睇咁靚。想照嘅人可以自己試下唔同時間睇」。
不少網民紛紛留言稱讚護照的設計，「關員照燈時，應該都覺得好靚」、「有個人資料個頁係照到有青馬大橋」、「香港靚/值得香港人驕傲嘅嘢」、「超美的」、「香港的特區護照的確很美，足以自豪」。
另有不少網民分享外遊過關時的經歷，「之前特區護照有煙花，我去美國過海關嗰啲關員佢話好靚，我先至知原來喺UV燈有啲咁嘅圖案」、「有一次我喺英國入境，手續搞晒之後關員叫我去佢後面，然後佢用個紫燈照passport俾我睇，佢話係香港嗰個先咁靚」、「我係亞美尼亞比出境條友照左好耐本護照，仲照比我睇，不停話本護照好靚」。
收藏
取消收藏
分享
