青衣慈父為37歲兒子徵婚　不煙不酒月入兩萬兼有樓

【點新聞報道】青衣街頭近日竟出現一則徵婚啟事！內容為一名父親代其37歲兒子徵婚，形容其中等身材、沒有不良嗜好，有樓有穩定工作等，惟網民看過後均勸說「呢個條件自己生活好啲」。

近日，有人在Facebook「青衣街坊吹水會」群組上傳圖片，可見一張手寫的徵婚啟事掛在疑似伸縮棍上，放置於青衣運動場對出街頭。內容寫道：「征（徵）婚。您好，本人兒子37歲，中等身材，身高1米68，冇不良嗜好、不煙、不酒、不睹（賭）、不粗暴，住青衣有樓，有份穩定的工作，月入2萬以上，愿（願）有情人見後請致电（電）XXXXXXXX，Ｘ生聯繫，謝謝」。

帖文引起網民熱議，不少人認為其兒子條件較普通，「應該貼埋相」、「2萬咁少」、「2萬月薪冇可能供到樓，係咪住公屋？」、「多個零喺後面，賣相會好啲」、「168高，咁細粒，點搞呀」、「168都唔係好高喎，月入2萬都唔高，樣唔知」，勸說「呢個條件自己生活好啲」、「養兒一百歲，長憂九十九，放手吧！」。

有網民則懷疑該則徵婚啟事可能是騙局，「而家騙案層出不窮」、「係咪KK園新手法呀？」、「係唔係被人整蠱呀」、「創意收數系列」、「騙案係定係真徵婚？如果係真，個仔都幾慘，呢啲使乜父母幫」。