【點新聞報道】七旬老翁何伯閃娶細30歲妻，新何太婚後不久索要百萬做生意，何伯與子女反目積蓄盡失，事件連日轟動全城，究竟是真愛還是為錢？如果你沒看前兩集Viki Talk，你Out了。何伯何太故事掀起全港網民激烈討論，更紅過深圳河，內地網民加入一起「吃花生」，有人在社交平台發文指，何生何太在深圳共膳，究竟係咪真？
《東張西望》最近就更新訪問預告，指2人再度受訪，一直都沒有離開香港，共膳的照片其實在香港餐廳。預告片中，何太更大爆：「阿叔俾咗肉體我，就留啲錢俾佢子女保管，佢子女攞咗錢去，我就要跟佢捱苦，咁先證明係真愛，咁傻嘅，唔通有錢就唔係真愛咩？」
在最新預告中，2人大秀恩愛，何太更激動反駁：「我點解要當佢獵物？我當佢係寶，好唔好？啲人真係奇怪。」面對何伯的5個子女反對，何太絕地大反擊說：「佢再娶嘅女人唔係我，佢哋一樣反對，你信唔信？」不知道大家信不信，但何伯就好相信「我娶第二個佢哋一樣反對，佢哋就為咗爭遺產。」何伯更護妻指「佢成日煲湯俾我飲，啲人話飲死你呀」、「飲死我？我越飲越精神！」
不過，《東張》就釣足人胃口，播預告當日未播出何伯何太最新足本訪問，不少網民指非常失望，指TVB呃收視，甚至學何太語氣話，「唔係延期～你講清楚，係改期～」。
正當全港追睇何伯何太「真愛宣言」時，無綫的《福祿壽訓練學院》亦大玩模仿秀，阮兆祥和李思捷兩個扮嘢王神還原何伯何太，兩人全程十指緊扣，相當甜蜜。被問到身上的珠寶價值多少，「何太」阮兆祥說：「唔好問我依啲野啦，我住公屋㗎咋，哈哈哈，結婚禮物嚟呀！」惹全場爆笑。
至於早前有人質疑夫婦兩人是「公屋富戶」事件也有新進展。房署指，初步確定何伯並無公屋戶籍，現時正鎖定調查何太單位住戶資料，包括是否有人違反富戶政策或申報規定。房署指已初步掌握有關公屋單位資料，正跟進調查。
面對全城海嘯式討論、社交平台瘋狂洗版，輿論一面倒批評，究竟何伯何太會風雨同路見真心，還是大難臨頭各自飛呢？
大家點睇？歡迎在評論區留言。
相關報道：
收藏
取消收藏
分享
