點新聞 ｜ 每日點新聞 點解香港事

靠黃掠水嘅奀星阮民安，之前賣盆菜、賣大光麵、搞網上音樂會，擸擸埋埋都應該唔少啦，噚日在社交平台自爆已經走咗佬去英國喇！不過呢，佢仲厚住面皮話會繼續籌錢，叫「手足」每月課金5000幾蚊就可以幫「小朋友」喎。有網民留言嘲諷「直入馬會戶口做善事」、「個小朋友可能係佢個仔」、「正一大眾乞衣」。

阮民安噚日在社交平台發長文，並曬出一張送仔返學的相片，宣布「我已經離開咗香港，終於到英國生活了！相信有生之年都不會/不能再回去」。佢提到「決心做離開香港呢個決定絕對係在23條落實嗰一晚的」，顯然是心有鬼怕違法。

阮民安在帖文提到，當日離開監獄前的一天和之後發生的事，聲稱「在獄中曾遭國安處約談」，邀請佢「變節」返內地發展云云，不過就講啲唔講啲，話「下刪一萬更爆的對話，之後Patreon再分享……」擺明吊人胃口叫人「課金」。

阮民安當然不忘賣慘，話「嗰種恐懼，一路無離開過我」，離開監獄後，啲情緒病要來了，醫生診斷後，確定他確診焦慮症和創傷壓力症，但還好未算太嚴重。所以呢，他話自己心態係好想繼續留港的，但可以做的，就係堅決地，萬般不捨地離開喎。

最後，阮民安扮都唔扮直接叫人訂閱Patreon網上眾籌戶口，養起其一家英國生活，話「課金」除咗幫助他喺英國繼續發展事業之外，亦可以令他無後顧之憂去照顧在囚年輕人喎，收費分別為13.5美元、65.5美元、651美元。

不少連登網民看過帖文後，都鬧爆阮民安作故仔，「仲想喺度呃錢」、「cap完水走佬，開披床繼續cap」、唔識英文冇學歷冇技能除咗呃呃氹氹去英國同自殺冇分別，想開patreon搵食就過主喇」。