港姐2023｜「三陳一蕭」首做港姐司儀　曾志偉教路「着靚啲」

【點新聞報道】《2023香港小姐競選》於周日（27日）舉行決賽，大會今日（24日）公布司儀陣容，今年除了史上首位AI港姐司儀陳婉嫣（Evelyn）之外，還有陳豪（阿Mo）、陳展鵬、陳山聰及蕭正楠，配搭陳婉嫣組成「四陳一蕭」的新鮮陣容。

由於「三陳一蕭」都是大忙人，單是度期夾司儀稿及綵排已遇上不少困難，最終四人昨晚（23日）終抽出空檔於電視城首度對稿。四位司儀新丁謹慎地跟足工作人員指示對稿，由於四子均是第一次做大騷司儀，故對稿期間大為緊張，單是照稿讀都不停食螺絲，笑料百出。而抱恙中的總經理曾志偉養病期間仍心繫公司大小事，得知四人昨晚對稿，故突擊透過Zoom跟四子打氣，令四子大為驚喜。曾志偉不但跟四人分享做港姐主持技巧，更大派定心丸，安慰四人「稿嘅嘢唔重要」，更拋出三字錦囊，叫四子當晚最重要就係：「着靚啲！」

曾志偉打氣期間笑言由於有感過往港姐大會司儀大多「甩皮甩骨」，故今年花了不少心思及時間挑選司儀「顏值度」，最後終鎖定被熱捧為全公司最型最正的「愛妻組合」阿Mo、展鵬、山聰及阿蕭，才可配襯今年高水準佳麗，更可為當晚畫面增添可觀性及平衡感。四子聽畢總經理教路後，甫完成對稿工作即對當晚衣着議論紛紛，更笑言接下來的頭號任務是搵靚衫。

其實曾志偉總經理來電打氣前，「三陳一蕭」接受無綫娛樂新聞台訪問時曾爭相表達對於要應付「五十版紙司儀稿」的憂慮，山聰笑言：「雖然平時成日背劇本，但我唔係太習慣面對鏡頭講嘢。」展鵬則笑謂要拉老婆單文柔落水：「呢度咁多嘢要背，點都要請佢幫忙背吓稿。」四人當時亦一度為衣着問題大感頭痕，阿蕭更搞笑指可考慮以咸蛋超人Look上陣：「可以笠住個頭，邊個錯咗都唔知。」另山聰昨晚完成對稿工作後，即將司儀稿放上社交網並留言指自己由細到大都是香港小姐的忠實觀眾：「由細睇到大，諗都冇諗過，成為香港小姐大會司儀，絕對值得記錄嘅一次，我哋四位一定會全力以赴。」