（有片）新《梁祝》港鐵站水墨風海報吸睛 梁兆明梁非同帶戲迷快閃打卡

【點新聞報道】「創意班主」彭美施（施姐）粵劇作品系列的新《梁祝》於8月24日至26日於西九戲曲中心大劇院公演，繼早前電車巡遊之後，昨日（27日）施姐更與台柱文梁兆明及梁非同親身到不同港鐵站大型海報打卡，吸引20多位忠實戲迷貼身追隨。

梁兆明說:「今日真係好似旅行團，好開心!」戲迷由太古站開始跟隨直到中環站，由於是放工時間，港鐵車箱及港鐵大堂人頭湧湧，但亦無阻戲迷熱情，更把握機會在車箱跟兆明傾偈，滔滔不絕講戲。

大隊在太古站海報前打卡後，就乘港鐵再到中環站落車，步往到畢打街出口就在海報前拍照，當時港鐵的通道人群熙來攘往，但市民卻十分友善，竟讓出部分通道給戲迷影相，戲迷們亦都好識做，快閃合照便離開。有戲迷話:「咁多年來都係第一次搭港鐵追星，好新鮮，好開心、好滿足！」

梁兆明表示:「戲迷跟咗我十幾二十年，今日可以一齊搭港鐵去打卡，從來都未試過，亦只有施姐嘅粵劇先有咁突破性嘅宣傳活動。新《梁祝》共有11款海報，同樣係粵劇甚少出現，目的係想吸引更多戲迷和非戲迷留意，今日喺港鐵我留意到市民嘅反應，唔少人都被巨型海報吸引，相信已達到效果。而海報最特別之處就係用咗水墨畫，突顯新《梁祝》詩情畫意嘅感覺。」

梁非同表示:「今朝早已經有朋友話喺港鐵見到新《梁祝》海報仲打咗卡，所以海報一定係好吸睛，很難得喺港鐵站見到自己嘅巨型廣告，所以稍後我會繼續去唔同站打卡留念。」