【點新聞報道】新劇《隱門》將接棒《川內相親》播映，演員包括陳展鵬、黃智雯、湯洛雯、劉佩玥、吳岱融等。
陳展鵬演正直好人，除了無私地向黃智雯飾演的心月伸援手，更不畏惡勢力與吳岱融飾演的葉嘯天正面交鋒。面對吳岱融，展鵬沒有甘願處於下風，更以不同手法全力「還拖」，二人惡鬥場面充斥全劇。早前無綫娛樂新聞台前往探班，便親眼目擊展鵬與岱融由街頭打至街尾，展鵬更被岱融扑至頭破血流。對於遭岱融窮追猛打，展鵬受訪時談到其中一幕連吃「十數個巴掌」場口時，即搞笑謂：「即刻成個人口齒伶俐，轉數快咗好多！」問到需否額外操練體能，展鵬笑言：「其實我日日開工都練緊，最緊要係練個意志。」
湯洛雯首次和展鵬合作，她謂：「展鵬好爽快、又係一個好好笑嘅對手，佢又好就得我，同佢拍劇係好開心一件事。」湯洛雯又笑言劇中角色某程度與真實的自己有點相像：「我某程度都係追根究底嘅人。（忍不住笑）衰啲講，嗌交嘅話我一定要贏，都係一個缺點嚟，依家都改緊。」再問真人是否像角色般疑心重，湯洛雯謂隨着年紀漸長已變得「佛系」：「依家佛系咗，覺得有時有啲嘢係就係、唔係就唔係，遲早會知道嘅嘢就會知道，唔使特登去搵。」
湯洛雯續指劇中角色雖然沒有太多動作場面，但與智雯及展鵬一樣要捱摑，不過對象是飾演其父親的張國強KK：「我哋係真打，因為我覺得如果打唔到肉，就冇嗰種心痛感覺。原來代入咗喺街度畀阿爸打後，我嘅情緒真係大爆發，我覺得嗰種痛同委屈真係入心。當時條街仲要好多人望住，KK就係咁打、係咁打，打到我頭髮都亂晒。」
（點新聞特約記者陳惠芳報道）
收藏
取消收藏
分享
