口罩令解除後，不論室內或戶外，又或乘搭公共交通工具，八至九成市民依然罩不離口。有的士司機近日就分享召車訂單，可見有家長願付10元「貼士」，要求司機戴口罩，因為乘客中有2名年幼小朋友。不少的士司機看過訂單都表示體諒「有禮貌寫到明，雖然十蚊唔算多，感覺好舒服，師兄好客難求」、「見到呢個order咁有誠意，我會戴一戴」、「有額外要求有加錢、千足金、好客一個」。
該名的士司機在fb群組「的士司機資訊網Taxi」上載訂單，可見有家長以的士應用程式召車，要求由將軍澳唐天晉2期前往新蒲崗萬迪廣場，表明按咪錶支付車費外，還願意多付10元「貼士」，並備註「麻煩司機帶返口罩，兩個小朋友仲好細個」。司機留言表示，相信「的士入面帶口罩應該都要持續一段時間，始終有好多小朋友同老人家都冇打針又冇中過。屋企人擔心都明嘅」，又話「人哋都肯加錢，都好近啫」、「有啲真係冇得避免，返學／老人定覆診」。
收藏
取消收藏
分享
稿件由上傳 · 文責自負 · 不代表本網立場
