人有三急最怕要搭長途車！一名移英港男近日在英國搭乘長途巴士時，上車不到10分鐘即便意來襲，他衝往車尾的廁所「大爆發」。惟當他從廁所出來後，發現成架巴士都係自己如廁的異味，車上部份乘客攞紙巾掩住個鼻，連司機都聞到要開大個冷氣，令事主大感為尷尬。有網友揶揄「隔住個mon都聞到陣味」。
事主日前在「連登」討論區發帖指，自己正喺英國坐長途巴士National express落倫敦，點知上車不到10分鐘突然絞肚痛，好彩巴士車尾有廁所。佢原本諗住到落車先解決，但他最終都頂唔到衝咗入廁所，形容「一坐低就爆咗出嚟」，份量好似「儲埋幾日」咁。
然而，當事主離開廁所後，發現成架巴士都瀰漫著自己如廁的異味，部分坐在廁所附近的乘客都用手掩口鼻，並一直望著他；返回座位後，他見到一名黑人乘客亦攞咗張紙巾㩒住個鼻，甚至有乘客噴香水，連司機亦刻意調大車廂冷氣。其後，有男乘客欲前往如廁，但事主發現對方「入咗廁所10秒都無就出返嚟」。令事主大為尷尬，不知點點算好，話「仲有兩個幾鐘先到......而家仲要塞車，我想落車啊......」。
收藏
取消收藏
分享
稿件由上傳 · 文責自負 · 不代表本網立場
