年三十晚，一家人食團年飯可以話係每年嘅最重要項目。不過，買咗「黃店」盆菜嘅「黃絲」今年嘅團年飯食得並不順暢，可謂未過年先中伏。位於北角嘅黃店「人人和平小飯店」的一批賀年盆菜竟放漏了整份燒味斬料，雖然事後跪低道歉，可惜黃絲唔收貨，講明冇下次。
「人人和平」的fb專頁於年三十傍晚發文表示要「自動投案」，指當日一批四人用盆菜(價值$868/個)「漏了俾燒味斬料」，為此向受影響客人致歉，又表示客人如果在附近可私訊聯繫，飯店會「補返畀你」;如客人已經離開了北角，就會「下次再補償返」。
事件引起熱議，不少黃絲留言批評飯店做法，「下次....即係要幫襯多一次？」、「會唔會按比例退番啲錢好啲呢」、「離開左北角都應該送番客，乜野叫誠信」。同時，也有「受害人」留言鬧爆「我3:50pm攞4人盒菜，今晚食時先發覺無燒味，其實張單有留我個電話，點解唔直接打俾我？我而家睇到你個post先知，真心有d嬲」。有眼利網友就嘲諷飯店貼出的補償「燒味斬料」相片，話「啲雞好生猛」、「你隻雞好多血水喎」，直斥是「垃圾黃店」。
收藏
取消收藏
分享
稿件由上傳 · 文責自負 · 不代表本網立場
