一連六集的《做節必食18道菜》，由今晚（2日）起一連兩個星期播出。節目有三位星廚黃亞保（保哥）、蕭秀香（三姐）及祈積奇(Jacques)帶領不同藝人，拜會不同主題地方菜館搜尋必食18道菜。
蕭正楠、區永權及伍仲衡品嚐順德菜「獨佔鰲頭」(煎焗魚嘴）時,伍仲衡在區永權「誤導」下說出：「人嘴我日日都錫架啦。」迅即惹來區永權及蕭公子踩台：「新春佳節，冇人有興趣聽呢啲嘢！」之後伍仲衡暗踩蕭公子欠才華要減肥，蕭公子則明寸伍仲衡食嘢唔做嘢。三人更主動邀請保哥出席他們演唱會，保哥聞言即爽快答允上台表演打鼓。
蕭正楠又即席跟大師傅學煎魚嘴,不但有板有眼，賣相亦金黃可口。反之蕭太黃翠如（Priscilla）的「地獄廚神」寶座繼續穩如泰山，當她與陳自瑤（Yoyo）學做福建五香卷時，翠如竟將圓柱體包成「正方大餅」，外觀相當趕客；不甘心的翠如竟將失敗的作品硬塞落Yoyo口中，嚇得Yoyo喊驚謂：「睇吓黃翠如幾變態！」而Yoyo當得悉有機會品嚐到人生第一道佛跳牆時，更盛裝打扮會美食，Yoyo說：「因為我好慳，佛跳牆好貴我唔捨得食呀！」起動前又坦言「口水已流到落心口」，饞相盡出、相當可愛。
（點新聞特約記者陳惠芳報道）
收藏
取消收藏
分享
稿件由上傳 · 文責自負 · 不代表本網立場
