林家謙《SUMMER BLUES》演唱會來到第二場，昨晚（20日）家謙請來小時偶像陳奕迅任嘉賓，Eason一出場，即炸裂紅館，歡呼聲掌聲大到蓋過唱歌聲，家謙都因為太興奮覺得自己唱唔不夠完美。二人合唱《致明日的舞》唱了兩次，最後Eason突然再獨唱《今日》給家謙，家謙被感動到眼紅紅及眼有淚光。
已有九年沒有上紅館舞台的Eason，昨晚一身粉紅色，配上圓形眼鏡出現。他出場先跟家謙合唱《致明日的舞》，之後他笑問家謙，「我呢個look正唔正？陳家謙呀。我特登搵個眼鏡跟你㗎！」接着他又說，自己於台底等待時，聽到家謙唱到有點咽哽，「你差啲搞喊埋我呀。真係好感動。」由於觀眾歡呼聲未曾停過，Eason也忍不住跟觀眾說，「你哋好正！」又即迎來巨浪歡呼。接着他跟家謙說，「其實係好多個月之前，你邀請我做你嘉賓，你一問我，我個心已經yes啦。林家謙係一個好值得大家錫嘅人，單係佢音樂已經散播緊一種治癒。我第一次聽你係《下一位前度》，尤其是塞車嗰陣聽，真係可以降燥。」由於家謙一直沒出聲，Eason又笑說，「我知你係怕羞草……」家謙說:「唔係呀……我唔覺得係……」Eason:「我知呀，你個心底裏面都賤賤地…….」全場大笑歡呼，「我哋大家都係St Jo仔，係咁上下，少少百厭囉……哈哈哈……」
接着家謙說自己太緊張，所以唱得麻麻，沒料到Eason即鼓勵他，「你想點呀？live嘛！係咁㗎喎！你已經做得好好啦！第一次做喎！六場喎阿哥！我第一次都係四場咋！會愈來愈好，唔駛擔心！」觀眾歡呼聲又再四起，Eason玩得開心更停不了:「唔啱再唱多次囉！」重鬼馬扮fast foward倒轉行番原位，又再重唱多一次《致明日的舞》。
唱完之後，Eason叫家謙坐下，說有禮物送給他，家謙非常驚訝，乖乖坐在台上，Eason說:「佢真係唔知㗎！以下呢首歌！我送俾你，送埋比現場大家！」《今日》一曲前奏響起，全場狂叫，家謙更感動得雙眼通紅，閃着淚光，變回一個小粉絲，坐於紅館台上聽偶像唱歌。昨晚還有林欣彤及C All Star擔任嘉賓。
今日下午1點，林家謙又再化身「林+場」，發放新海報，公布於8月27日加開一場演唱會。演唱會總監馮貽柏表示，今次「安歌」加場，歌迷星期一（22日）將會見到一個「充滿希望座位表」，九成門票全部公開發售，祝福真正歌迷都可以撲到飛。
（點新聞特約記者陳惠芳報道）
更多閱讀：
收藏
取消收藏
分享
