點新聞 ｜ 每日點新聞 點解香港事

MIRROR在紅館演唱會發生嚴重意外，MIRROR連COLLAR即時停止所有活動。直至昨晚MIRROR及COLLAR同時被召回電訊盈科位於九龍灣的公司開會。COLLAR今日（4日）便率先復工，到商台接受《叱咤樂壇》直播及之後的《一圈圈》訪問。但成員之一So Ching未有出現。

So Ching（蘇芷睛）是李啟言（阿Mo）的女友。今日現身只有有隊長沈貞巧（Gao）、蘇雅琳（Ivy）、許軼（Day）、王家晴（Candy）、李芯駖、邱彥筒（Marf）及陳泳伽（Winka）。她們於中午乘車到達商台，未見經理人戴穎陪同。她們落車後即進入電台，全程不發一言，但仍有向守候的傳媒揮手。

節目開始時，COLLAR就意外發表感受，隊長阿Gao說︰「好衷心咁多謝大家好關心我哋，我哋收到好多唔同界別嘅人嘅鼓勵，同埋收到你哋嘅愛。我哋OK嘅，希望大家都平安，希望好嘅事會發生。我哋會帶住大家嘅力量去努力，繼續做好，散發正能量。多謝大家咁關心佢（So Ching），希望大家可以繼續相信佢哋，同埋支持佢哋，畀少少空間同埋時間佢哋，相信佢哋會好嘅。」今天生日的Ivy坦言從前不相信生日許願，但今年要許下兩個願望，包括大家都身體健康及將平安送給So Ching、傷者及所有表演者。

（點新聞特約記者陳惠芳報道）