點新聞 ｜ 每日點新聞 點解香港事

MIRROR紅館首騷昨晚（25日）揭開序幕。早前有爆出台上機關重重，舞蹈員在綵排時發生意外，所幸昨日順利完成演出，但眾人在台上驚險重重，惹來鏡粉（MIRROR Fans暱稱）在社交平台狂鬧，有不少鏡粉看完演唱會後留言：「驚嚇多過驚喜！」

昨晚舞台設計有多個大大小小的升降台，還有爆破等特技效果。其中AK跟楊樂文（Lokman）各自企在升降台出場合唱《虎道門》，當AK一邊跳，升降台升高時突然出現搖晃，AK即時失去平衝，他立即單手按地以免跌倒，有驚無險。而當12子出場唱《12》時，眾人在舞台四邊的架空台上行走，但架空台接位卻出現高低，AK一個不留神踩空又險跌出意外，姜濤也因架空台高低而窒腳，更險差錯腳出事。

不少「生粉」（AK Fans暱稱）及「姜糖」（姜濤Fans暱稱）皆紛紛在MIRROR的社交平台專頁留言鬧爆：「搞好個台啦！一路睇一路成額汗！真係好擔心有人出事呀！個台有啲位又危危乎好搖咁樣！唔該你公司錫下班仔同dancers啦！」還有人說：「唔該保障下旗下藝人，以及相關舞台從業員嘅安全，唔好樣樣靠好彩。班鏡仔開咁多場，我哋鏡粉驚足咁多場。D橋又窄又搖，升降機上嚟chok得咁大。」

（點新聞特約記者陳惠芳報道）