點新聞 | 每日點新聞 點解香港事

每日點新聞 點解香港事
下載APP
標籤

來論|坐監不是太辛苦?拜託政客不要再害人!

稀思路/筆是機場

攬炒派政客嘅歪理,喺過去幾年一直演化,而且係「越變越歪」,好多年前,佢哋不顧《基本法》嘅規定,硬要向市民「硬銷」所謂嘅「真普選」,到咗2014年,佢哋就直頭話俾人聽,「想要民主,可以用違法手段爭取」;事情一直發展落去,去到黑暴運動,佢哋仲支持以暴力方式脅迫政府,結果當然係攬炒自己啦!最近,剛剛刑滿出獄嘅何秀蘭同黃碧雲聚餐,黃碧雲就引述何秀蘭提到嘅獄中經歷,多次強調喺香港坐監並非大家想像中咁辛苦,雖然失去自由,但只要調整心態,係可以應付得到嘅。咁講法,即係坐監唔辛苦?呢種講法,真係害人不淺!

何秀蘭嘅「坐監並非大家想像中咁辛苦」,其實佢唔係第一個講,相信亦唔係最後一個講,之前非法「佔中」三子之一嘅陳健民,佢就有本《獄中書簡》,睇本書嘅介紹,就有說法指「坐牢作為一種反抗」、「入獄是對身心的折磨,陳健民認為這是爭取民主必須付出的代價,而作為一個公民抗命的倡議者,應當親身體驗。他以實際行動表達對現行政策、政府的抵抗,以自己的身體『受苦』,也以自由的心靈作為對抗強權的憑依、力量,讓抵抗化為一種『日常』」,咁講法,即係做攬炒派,係咪要坐監先似樣呢?

對於呢種美化、淡化或英雄化坐監行為嘅說法,筆者想講,事情唔係攬炒派講得咁輕鬆,坐監嘅意味,除咗係坐監者被剝奪自由之外,喺監獄入面,種種行為包括作息時間等都有規範,更加唔會「你想有乜就有乜」,用以上陳健民嘅例子,冇記錯佢坐完監好似離開咗香港,佢點解要離開香港?如果佢完全唔怕坐監,就算再搞違法抗爭,再次入獄,都只係一種「體驗」或者「磨練」啫!

令人誤以為坐監唔係大事,唔係最大件事,如果睇返攬炒派政客嘅時間軸,由佢哋爭取所謂「真普選」,到教人犯法,到支持暴力行為,再到「無懼入獄」,其實一步步推進,最極端同恐怖嘅方式,就係會有人因為黑暴、反政府而作出極端暴力行為,而呢種行為過往已經出現過,例如針對警察嘅孤狼式襲擊;攬炒派可能認為自己要認叻,或者要淡化違法行為嘅責任,但係呢種說法會害死人,社會必須予以強烈譴責。

或者筆者咁講,如果坐監係「咁少事」,又或者坐監可以係一種鍛練,咁攬炒派政客,點解唔帶埋自己嘅仔女去違法抗爭?咁唔係一場最佳嘅親子教育咩?當然唔會,因為要做暴徒、抗爭者,最好都係留俾別人嘅子女做,自己嘅子女,可能喺名校讀緊書,甚至係已經去咗外國。所以呢,當攬炒派話俾年輕人聽「應該點做」時,其實事情好簡單,睇下佢哋自己點教啲子女,筆者到今日仲記得,當有所謂學者教人犯法時,佢喺另一邊廂,係諗緊點谷自己啲子女入讀頂級學府,呢種雙重標準,亦係攬炒派政客嘅一大特色。

歡迎到Apple/Google play store下載 「點新聞」app

iPhone App: http://apple.co/2MxsmE1

Android App: http://bit.ly/36EmZtD

華為App: https://urldra.cloud.huawei.com/ezfJy81ETm

或直接進入點新聞網站瀏覽最新最準的新聞資訊:

www.dotdotnews.com

使用其他社交媒體訂閱點新聞

YouTube: youtube.com/c/dotdotnews點新聞

Instagram: instagram.com/dotdotnews

收藏收藏
取消收藏取消收藏
稿件由上傳 · 文責自負 · 不代表本網立場

來論|坐監不是太辛苦?拜託政客不要再害人!

收藏收藏
取消收藏取消收藏
稿件由上傳 · 文責自負 · 不代表本網立場
相關推薦