點新聞 ｜ 每日點新聞 點解香港事

蔡少芬、朱茵、陳法蓉及洪欣組成女團「港普F4」，演出內地真人騷《請吃飯的姐姐》，日前她們接受考驗，選出最多人追、最易嬲、最不守時、最飲得、最易呃及最囉嗦、最有錢等人選，結果由陳法蓉得「桃花王」，朱茵及蔡少芬分別被封為「遲到王」及「不醉王」，至於洪欣成為「易嬲王」。

朱茵說：「佢（即陳法蓉）不停享受被追求嘅感覺，如果唔係，佢已經結婚。」而陳法蓉亦笑言自己實至名歸：「我有好多人追，但我唔鍾意嘅話我會拒絕。她同時入選「囉嗦王」，蔡少芬說：「例如我哋今日要嚟呢個地址咁吖，佢會好詳細咁問完一次又一次，囉唔囉嗦吖！」

講到「遲到王」及「不醉王」則是朱茵及蔡少芬。蔡少芬指：「例如我哋約佢（朱茵）半個鐘後見，佢通常三個鐘後先出現，甚至乎唔出現，有了女兒會準時咗，但都係會遲。」朱茵笑說：「因為我係大人物！」被封「不醉王」的蔡少芬，直指其他三位好姊妹是「老人家」，只顧養生，不喜歡飲酒，她說：「我係時代感、年青一輩，我會飲紅酒或者啤酒。」朱茵又指她最愛錢，還很節儉，所以她們一致認為她是富婆。

洪欣當選「易嬲王」、「易呃王」及「口疏王」，蔡少芬笑指洪欣：「佢守唔到秘密，尤其是佢嬲起上嚟發顛嘅時候，乜爆晒出嚟。」

（點新聞記者陳惠芳報道）