點新聞 ｜ 每日點新聞 點解香港事

由黃百鳴監製、林德祿執導、古天樂擔綱演出的反貪風暴系列電影，由2014年開始至今橫跨7年，最終章《G風暴》定於今年12月31日上映。

系列中唯一貫穿五集的古天樂爆料，今集有別過去四集，好多大場口都選址在鬧市，而案件因涉及國際販賣人口，犯罪分子的裝備重磅加碼。他說：「一部電影可以拍到第五集好唔容易，嚟到最後一集希望令觀眾睇得更投入、更真實。除咗鬧市取景拍攝外，AK槍械、手榴彈及更大規模的爆破場面亦會出現，實在不容錯過！」

今集故事講述跨國販賣人口的案件，演員還有已故的廖啓智（智叔）及新加入的宣萱。張智霖有一幕戲保護宣萱，他說：「今次電影特別多在具代表性嘅鬧市拍攝，好似文化中心、太空館內亂槍掃射等。我不用開槍，主力不停跑，但啲子彈係身邊橫飛、又要緊隨G4成隊人走，有時又要飛車，唔開槍一樣刺激和緊張。」

預告片中有不少舊畫面，提醒觀眾曾經發生過的案件「2014年千億黑金案」「2016年博彩黑幕案」「2018年海關洗錢案」以及「2019年監獄反貪案」等等，而今次上演的跨國人口販賣案，同樣有不少大型槍戰、車戰以及爆炸畫面等等。

（點新聞記者陳惠芳報道）