移民講人系列|港男呻「移英生活毫無前途」日日倒數盼離開 網民嘲:路係自己揀嘅唔好喊!
【點新聞報道】近日一篇帖文引發網上關注與熱議。有移英港男在社交平台上發文大吐苦水,直言在英國生活「毫無前途」,不僅要承受沉重稅務負擔與低效率的公共服務,更慨嘆當地自由度大不如從前,甚至萌生在居留6年期滿後轉往「第三地」的念頭。
該名移英港男在Threads發文,無奈表示:「我覺得喺英國生活好冇前途。」他指出,自己辛苦工作還需繳納重稅,但是「英國政府又無提供咩保障俾我。」甚至連基本的醫療服務亦難以輪候,「睇醫生排唔到隊。」並且,樓主指持BNO簽證的港人亦無法享有公共福利。此外,樓主亦對當地公職及服務業人員的工作態度大感不滿,嘲諷「呢度啲人(公務員或地鐵員工)做嘢又俹簁(馬虎),做錯嘢都唔會覺得唔好意思」。
樓主坦言原本是為了追求自由生活才選擇赴英,但如今卻感到英國的自由程度「每日(都在)倒退」。他更揶揄:「(英國)政府瘋狂捉人網上言論,整張圖惡搞政治人物會有差人上門拘捕,但捉盜賊又唔見咁叻叻。」
面對種種落差,樓主透露現時「每日喺度倒數緊幾時住夠六年」,屆時再作打算「睇下會唔會去第三地。」帖文最後,樓主強調自己「喺香港坐完政治監」,提醒英衛兵勿以「唱衰英國」為由對其群起攻之。
帖文隨即在網上掀起熱烈討論,不少同路人深表認同,紛紛留言表示:「NHS掛號兩個月都排唔到睇醫生」、「其實係事實!」、「佢其實講得啱㗎,所以要諗清楚先移民」、「好多人住咗一段時間,已經知道存在問題,但返去又怕俾人笑。」
帖文亦引來一名回流港人現身說法,坦言:「我喺英國住咗多年,最終係返埋大灣區生活,都唔知幾自在。洗鬼喺英國捱苦咩。仍留在英國生活嘅香港人,自己問心嗰句,你哋生活真係好開心??每個人都應該有答案啦!」
此外,亦有人則揶揄道:「淨係呼吸到大英自由空氣都已經值啦」、「路係自己揀(嘅),xx唔好喊!」、「為細路去UK係無奈,無細路去UK叫無知」、「窮國去嚟做乜,遲早變第三世界國家。」
