名媛碎屍案|鄺球認曾辱罵蔡「生仔機器」 因鄺港智「大陸有條女」蔡性格轉變

【點新聞報道】28歲名媛蔡天鳳(Abby Choi)2023年疑遭殺害及碎屍,死者前夫鄺港智、前家翁鄺球及前大伯鄺港傑3人被控謀殺及阻止合法埋葬屍體罪。案件踏入第40日審訊,鄺球今日(18日)繼續出庭作供。

稱蔡天鳳因鄺港智「大陸有條女」性格轉變

鄺球在庭上承認曾出言辱罵蔡天鳳為「生仔機器」,他認為蔡天鳳「唔係唔尊重我家庭,佢係180度轉變咗啲性格,原因就係佢知道Alex喺大陸有條女」,同時否認對方看輕鄺家,直言:「點解睇唔起?佢收咗我咁多錢,負責一個banker咁嘅角色,啲錢邊個畀佢呢……」,並表示直至最後,鄺港智與蔡天鳳的關係依然親近。

代表鄺港智的大律師安華暉在盤問時,指出鄺球對「發燒事件」的描述輕描淡寫。鄺球對此解釋,這只是「一種家庭嗌交啲嘢好小問題,喺我心目中」。他否認當時曾向蔡天鳳動粗,稱「冇打佢,如果打佢報咗警啦」;對於安華暉指他當時企圖施襲但被譚方駿及鄺港傑制止,鄺球亦予以否認,表示「冇嘗試,冇咁嘅意識想打佢,係想鬧交啫」。

安華暉引述蔡天鳳發給母親的語音訊息,指她在提及鄺球一家時用詞難聽、態度惡劣。鄺球回應指:「我都唔知㗎喎,因為佢冇同我對過話嘛,喺背後講人呢啲係小人來囉我覺得」。安華暉繼而推論,在「發燒事件」前後,鄺球理應或多或少感受到蔡天鳳看不起鄺家,鄺球隨即反駁:「我唔知喎,點解睇唔起?佢收咗我咁多錢,負責一個banker咁嘅角色,啲錢邊個畀佢呢⋯⋯」當安華暉提及譚家更為富裕時,鄺球則答道:「我唔知佢有幾多錢喎,佢有佢嘅嘢,我有我嘅嘢,譚家還譚家,我搞得掂屋企嘅生活就ok㗎啦」。

稱對禁見孫兒一事不知情 過年聚會未有過問

安華暉指出,在「發燒事件」發生後,蔡天鳳曾拒絕讓兩名子女與鄺球見面,鄺球表示:「佢冇直接同我講呢樣嘢,你講畀我聽我先知咋嘛」。他指自己在2022年6月至2023年農曆新年期間仍見過兩名孫兒,被問及是否有人告知他蔡天鳳因此感到憤怒時,他回答「冇喎」。

至於蔡天鳳在農曆新年聚會中沒有現身,鄺球表示「啲年輕人好多節目㗎嘛,我點知佢係咪又去咗澳門賭錢呢,你都話係前嘅新抱,人地嘅自由嚟㗎嘛」,並強調「呢啲好小問題咋嘛,佢唔出席咪唔出席,唔通佢唔出席我又唔開心咩,出席我又開心咩,得閒咪出席囉,唔得閒咪唔出席囉」。

安華暉質疑,假如蔡天鳳不准許子女與鄺球見面,鄺球必定會感到非常不高興。鄺球反問:「唔可以見?邊個權力可以俾佢唔俾佢地見我,有咩可以法庭解決㗎嘛」,並坦言「當然唔開心啦,如果唔俾見兩個孫」。被追問當時是否會感到憤怒時,他先反問「唔開心同嬲有咩分別啊?」,隨後表示「唔開心呢樣嘢可以克制到嘅自己,如果佢真係唔俾我見啲孫嘅,咁咪去家事法庭解決囉」。

面對安華暉反駁指蔡天鳳擁有子女撫養權,鄺球回應「我知道,但係撫養權佢都要俾我嗰仔Alex見㗎嘛」,並指家事法庭一般都會安排每星期見面一至兩次,最後表示:「我咪搵律師處理囉,睇下有無嘢做到囉,打官司囉」。

相關閱讀:

名媛碎屍案|鄺球認肢解蔡天鳳負全責 強調從無計劃殺人

名媛碎屍案|鄺球供稱先後匯款約3000萬予蔡天鳳 夥購加多利山單位