《臥底旅行團6.0》首播網上點擊率逾70萬 李尚正功勞歸妹頭
【點新聞報道】《臥底旅行團6.0》11月8日首播,首集網上點擊率已超過70萬。兩位主角李尚正(阿正)與盧頌恩(妹頭)最近忙於拍攝《你的保安 李寶安》,但仍抽空親自向觀眾道謝。
阿正對妹頭笑說:「你一個生日可以換到咁多點擊,你都無憾啦!」妹頭回應指不關她事:「係你一個生日策劃換到咁多,其實我真係估唔到佢哋係咁同我唱生日歌。」阿正又說:「好多觀眾都係你嘅鐵粉,佢哋已經知道你嗰集生日,因為送唔到生日蛋糕俾你,所以睇就算啦。」妹頭禮尚往來:「我啲粉絲成日同我講,成為我粉絲之前,首先係正爺粉絲,因為正爺而鍾意我哋呢個節目,然後順勢鍾意我哋其他隊員。所以多謝正爺帶挈,可以喺《臥底旅行團6.0》同你一齊去旅行。」
拍攝當日有新加入的楊偉倫(阿卵)。他早前為「保安大隊長」角色而剪髮:「因為保安嘅髮型唔可以咁褸丘,所以我剪咗頭髮,特登過嚟做保安。」被問到是否代替阿正位置,他說:「代替唔到,正爺真係好多嘢做,我暫時頂住佢個位,代替唔到嘅。」演阿卵下屬的曾睿智(Jam)和王耀宏(Meaning)立即為阿卵按摩拍馬屁,Meaning說:「代替到。」Jam就說:「係大隊長。」
不過阿卵拍了兩天仍未與老友麥沛東同場。問到期待與「港版阮經天」合作嗎?他反問:「圓形嗰個『圓』經天?梗係期待啦,我都好耐冇同佢合作,怕有生疏。」
(點新聞特約記者陳惠芳報道)
