移民講人系列|慘遭校園欺凌兼受父母壓迫身心俱疲想回流 港女怒斥「移英失敗嘅壓力發洩喺我身上」

【點新聞報道】近年不少港人舉家移英,惟未必人人都能順利適應新生活。日前一名17歲移英少女在社交平台Threads發文大吐苦水,指自己去年中五時隨家人赴英,因超齡無法入讀當地高中,被迫轉讀ESOL。她坦言在新環境不僅缺乏朋友、在學校遭受欺凌,更要面對父母將移英失敗的壓力發洩在其身上,令她陷入深深的痛苦與絕望,直斥父母移英前毫無規劃。

該名香港少女在帖文中沉重表示:「其實我嘅人生都算痛苦,雖然依家有手有腳冇病痛,但我就快堅持唔住。」她憶述,自己從小學至中學在港就讀期間,曾長期遭到同一批學生孤立。直至後來轉校,才終於結識到一班知心好友,度過了人生中最開心的時光。然而好景不常,去年16歲的事主正值中五之際,便隨家人倉促移英。由於當時她已年滿16歲,當地委員會(Council)表示無義務安排她入讀當地高中,最終她只能入讀ESOL課程。

事主坦言,起初對英國的新生活滿懷期待,現實卻令她大失所望:「喺College讀ESOL冇香港人,其他人都有自己國家嘅朋友。」在缺乏社交圈子下,她每日放學回家後只能靠打機、看影片度日。更令事主崩潰的是,即使到了新學校仍未能擺脫欺凌陰影,她哭訴道:「被人憎,特登叫我去答題,啤(看着)住我,叫佢又無視我行開咗。」

除了校園生活不如意,事主表示,「家庭都好令我痛苦」。她透露,母親自移英後經常抱怨:「為咗成就我(事主),佢失去咗份工,嚟呢度做辛苦工。」事主表示雖然體諒母親辛勞,但長期面對這類言論令她感到很內疚,直言:「(母親)一直PUA我,好似我錯晒。」

而父親的態度亦是如此,事主無奈表示:「阿爸話屋企已經冇錢,係經常性叫我唔讀躝返香港,(話我)係寄生蟲。」在雙重打擊下,事主坦言自己情緒日漸不穩定,甚至萌生消極念頭。她發問:「我失去咗好愛我嘅朋友,一堆以前嘅興趣愛好。如果真係返咗去,會唔會人生有返啲意義,算唔算解脫?」

事主進一步透露,家中人口眾多,但父母在移英前並未做好周全計劃。現時事主的父親因身體問題無法工作,母親又不肯學習英語,只能繼續做苦工。年僅17歲且尚未考獲GCSE的事主感到前路茫茫,直言「好憎我父母乜都冇plan好,過咗嚟錢越嚟越少,我點樣自救都唔知道。」

帖文曝光後隨即引起網上熱議,大批網民留言安慰事主,並批評其父母不負責任,將自身失敗歸咎於子女:「佢哋只係將自己嘅失敗歸咎落你身上」、「成就你失去份工?你只係小朋友,關你咩事?生咗小朋友唔使負責任呀?成咩就?」、「你老母佢只係想鬧你,情緒發洩,而唔(係)PUA……你老豆老母唔肯去面對現實,英國唔係香港,工作同生活係完全2個世界。」亦有網民勸喻,「嘅(既)然生活得唔開心,返香港罷(吧),重獲自由。」

此外,不少網民亦借事件反思盲目移民的現象,狠批:「好多家長話移民為仔女,但有幾多個小朋友真心想嚟?嚟到就算有事,都仲要死頂,大人發癲,小朋友受晒,都仲未計喺學校被人欺凌呀~更年期遇着青春期,真係會逼到大人細佬(路)一齊情緒病,何必呢?」、「其實啲父母冇做好心理建設就跟風移民,真係難為咗啲細路。資金唔夠,但有60/70/80年代嗰批老華僑本住捱嘅心態,都仲可以靠意志撐住。但你父母連捱嘅心理準備都冇,又唔學好英文,可能最終佢哋回流先(早過)你……。」