名媛碎屍案|鄺球供稱先後匯款約三千萬予蔡天鳳 夥購加多利山單位

【點新聞報道】28歲名媛蔡天鳳(Abby Choi)2023年疑遭殺害及碎屍,死者前夫鄺港智、前家翁鄺球及前大伯鄺港傑3人被控謀殺及阻止合法埋葬屍體罪。案件踏入第39日審訊,鄺港傑作供完畢,鄺球下午出庭作供。

憶述與蔡天鳳合力儲錢置業

鄺球在庭上憶述,2014年鄺港智(Alex)及蔡天鳳(Abby)曾提議在港置業,以便日後供兩名孫兒居住。鄺球當時向二人表示:「買樓嘅話呢,大家一齊去儲錢買樓。」此後雙方便開始共同儲蓄,鄺球提到:「我負責將做生意賺啲錢匯返來香港畀Abby⋯⋯廣州嗰啲錢莊畀人民幣佢,兌換返港幣,喺香港啲找換店嗰度叫Abby提取返啲現金」,並稱前後「匯過大約3000萬」。

他進一步指出,在籌備置業期間,「我畀錢佢,佢負責keep住啲錢,佢同Alex儲錢,儲夠錢喇,Abby負責去睇樓,佢做買賣物業嘅程序」,而他本人則未有參與實際的買樓過程。最終,蔡天鳳購入了加多利山的物業,並以鄺球的名字登記為業主。對於物業登記安排,鄺球解釋道:「因為Alex 同Abby大家商量過,個單位業主用我名,而Abby呢本身係有持有物業喺香港,而我本人喺香港係冇物業」。

同意出售加多利山改買屯門單位 律師提醒後一度拒簽授權書

鄺球續指,至2022年左右,蔡天鳳打算出售加多利山單位,「佢話為咗兩個孫喺屯門返學」,希望改在屯門置業,「等W、X(鄺蔡子女)兩個可以返學近啲」。鄺球坦言:「我亦都係同意佢嘅抉擇,主要都係為兩個孫方便。」隨後,蔡天鳳委託律師樓「要求我做一份授權書」,內容列明「由佢(蔡天鳳)全權負責買賣物業嘅工作」,且「買賣完啲錢全部俾Abby,由佢負責處理」。

鄺球透露,蔡天鳳約在2022年9月安排他到中環一間律師樓簽署該文件。惟他到場後,律師向他解釋:「簽呢份文件多數都係有老人癡呆症嗰類,同埋身體有頑疾嗰啲,所以要做呢份授權書。」該律師見他精神狀況良好且「無乜嚴重患病」,便建議他:「你可以有權唔簽呢份授權書,因為你簽咗之後,賣樓嗰啲錢全部都係俾咗人哋㗎。」鄺球聽罷,最終沒有簽署。

否認收受蔡天鳳家用 稱「我俾錢佢就有」

其後,蔡天鳳改為安排旺角的律師樓處理授權書事宜,鄺球最終簽署作實,但他表示自己並不知道授權書是可以撤回的。辯方庭上引述蔡母張燕花的供詞,指張曾致電要求鄺球簽署授權書,否則對簿公堂;鄺球對此直言「無咁嘅事」。對於張燕花另指蔡天鳳每月均會給予鄺球家用,鄺球亦予以否認,更反指「我俾錢佢(蔡天鳳)就有」。

此外,鄺球談及個人住屋安排,稱任職警員期間受惠於新政策,得以警察宿舍換取公屋單位。他約於2003年交回德福花園宿舍並獲配將軍澳公屋,至2020年左右以該公屋資格申請購入荃灣尚文苑居屋單位,首期約10萬元,樓價總值約280萬元。鄺球強調「我俾咗雙倍印花稅」,並解釋「因為之前呢加多利山嗰單位係用我名做業主㗎嘛」,故再置業時須付雙倍印花稅。

鄺球表示,尚文苑居屋主要由長子鄺港傑居住,他自己則不常留宿,坦言「有時住係加多利山,有時同女朋友住,有時返大陸住」,而妻子李瑞香則在加多利山「同啲孫一齊住」。他補充,尚文苑屬一房一廳間隔,睡房由鄺港傑使用,他到訪時只能「瞓廳」睡沙發;加上鄺港傑不時「帶啲女朋友」返家,令他感到「唔方便囉,大家都」。

三名被告依次為死者前大伯鄺港傑(35歲,司機)、前家翁鄺球(69歲,退休人士)、前夫鄺港智(32歲,無業),三人於2023年2月21日在香港謀殺蔡天鳳,另於同年2月21日至23日期間,在香港阻止合法埋葬蔡天鳳的屍體。三名被告都否認謀殺罪,但承認阻止合法埋葬屍體罪。

相關閱讀:

名媛碎屍案|電話無致電鄺球紀錄 鄺港傑稱為保護家人而刪除

名媛碎屍案|涉助鄺港智潛逃 網紅潘巧賢上訴被駁回 須即時服刑6個月