移民講人系列|移英港男吹噓肯洗錢同努力小小可達BNO永居語言要求 安慰同路人毋須恐慌反遭圍剿

【點新聞報道】英政府搬「龍門」令手足內訌鬼打鬼!英國政府早前擬大幅收緊移民政策,有消息指BNO簽證申請英國永久居留權(ILR)的英文水平要求將由B1提升至B2,消息一出即引發大批移英港人不滿及焦慮。近日有移英港男在社交平台Threads發文,試圖以樂觀心態安慰同路人,直言「可以用錢同努力解決嘅問題就唔係問題」,豈料帖文一出反惹來大批同路人反駁。

該名移英港男在帖文中指出,明白不少同路人對英文門檻可能提升至B2感到擔憂,他認為B2等同英國A-Level的程度。樓主直言:「我工作上用慣英文,但自問如果要去考,都要努力讀下書。」他表示無法像以往B1級別般,「行入去吹兩句就搞掂」。隨即話鋒一轉,樓主認為大家毋須過度恐慌,「諗真啲,就算真係轉,其實都唔係想像中咁大件事」,呼籲同路人不要妄自菲薄。他直指,回想當初移英前大家亦曾面對種種憂慮,最終還不是順利過關。

針對考試難度,樓主提出無限挑戰的策略,指成績只需在申請永居前兩年內考獲即可,「只要你肯俾考試費,可以無限挑戰,只要其中一次搞掂就成功過關」。他更樂觀表示,若然真的趕不及複習考試,「大不了續多一次Visa就多兩年半,即係只要努力溫書、努力搵錢就OK,可以用錢同努力解決嘅問題,就唔係問題」。

樓主更以其他移英人群作對比,指部分通過其他簽證途徑移英的人士「突然要加五年十年監」,他反問:「中間會有幾多變數?」樓主又指,「或者係去咗其他國家,入咗無止境的等嘅黑洞,攞永居無期,亦無嘢可以做到,只能等嘅朋友」,他感慨道:「(對比)就會覺得自己好幸福,要珍惜。」

帖文掀起網上熱烈討論,有同路人怒斥英國政府出爾反爾,「易唔易、難唔難從來都唔係一個重點,個重點係BNO本身就應該要有居英權。政府唔應該收緊BNO Visa拎永居嘅途徑,英國國民要考Life in the UK Test先拎到永居更加係荒謬」、「最重要,申請時講到明B1,又話乜welcome home,今次如果改B2,下次可以加收入要求、又可以改男人要服兵役(我唔反對!)根本香港人97前出世就係英籍,呢啲都廢事講落去!要改ok,下年3月實行咪3月後申請受影響囉!你辣(懶)啲嘅咪3月後批嘅人受影響囉!唔應該接受新安排!唔係我哋有冇能力嘅問題。」

有同路人批評樓主此番言論,直言:「其實講咩B2都唔係咁難,轉都唔係咁大件事,俾啲心機同時間努力就得,再唔係咪續個Visa囉,續到可以考到得為止!真係難聽過粗口!」

此外,亦有不少移英港人留言直指現實遠比想像殘酷,「大佬,我返緊兩份工,一至五返文職,星期五晚和星期六晚返貨倉,先勉強維持到生計,你可以話我搵藉口,但我得返半日時間瞓覺,唔係咁易呀」、「續多一次兩年半Visa,對於四人家庭嚟講,係要俾多萬幾鎊出嚟」、「我自己知自己事,覺得大鑊,語言唔係死背解決到。」