陳敏之自揭喪母後陷抑鬱　鼓勵情緒病毋須忌諱勇敢分享

【點新聞報道】中國銀行（香港）港珠澳大橋（香港段）半馬拉松今（15日）早舉行，多名藝人參與2公里榮譽盃及親子跑活動。

陳敏之帶同兒子雷子樂參與「親子MAX Fun一起跑」，表示因兒子年齡限制未能出戰2公里榮譽盃，考慮明年拉埋老公一齊跑。對於伍詠薇自揭曾患抑鬱症，陳敏之坦言自己亦有過抑鬱經歷，事緣媽咪約兩三年前離世，那段時間情緒低落。她認為情緒病毋須忌諱，反而要分享如何治好。她透露當時與伍姑娘丈夫練海棠保持聯絡、默默關心，但自己亦分身不暇：「嗰時媽咪走咗，我又要照顧小朋友，真心講，我連自己都搞唔掂。你問我係咪唔夠關心佢？可能係，但當時我自己都好需要人關心，我相信如果係真正嘅屋企人，應該唔會介意。」她認為伍姑娘能公開談論足見已痊癒，望大家不用擔心。

胡定欣原打算邊跑邊打卡，上橋後發現「都未光」，幸得陳山聰帶領順利完成賽事，山聰更幫她影相。山聰表示滿意成績，天氣舒服，透露去年曾到上海及日本跑半馬，認為定欣都可以試試。談及伍詠薇，山聰透露一直有關心對方，近排合作見她開朗開心，「變返以前大家識嘅伍姑娘」。

張馳豪（Aska）勇奪2K榮譽盃亞軍，歸功於近期為Hyrox賽事操練體能，並笑言全靠「生理原因」：「因為終點先有廁所，一路跑一路諗住快啲去廁所！」結果成功衝線奪亞。

（點新聞特約記者陳惠芳報道）