（有片）關心妍回鄉開騷女兒打鼓助陣　望紅館辦25周年個唱

【點新聞報道】關心妍（Jade）日前「衣錦還鄉」，回到家鄉佛山南海舉行《聽2026演唱會》，全場爆滿，吸引近5000樂迷入場支持。好友張栢芝送上花籃恭賀，而女兒楊榮心（心心）在後台表現雀躍，除帶領祈禱外，更模仿媽媽「化妝set頭」。演唱會開始時，Jade一口氣唱出多首金曲，並用南海話「自家人」與「鄉里」打招呼，氣氛熱烈。

重返「主場」開個唱，場外亦設慈善攤位為弱勢社群募捐。她表示：「其實我都成日返嚟佛山，真係好感謝家鄉庇佑，可以每年都喺度開演唱會，仲密過香港開騷。每次都有帶心心睇吓，但來去匆匆，她都未好有『家鄉』概念。」今次巡迴個唱主題由2025年開始，她一直希望將個唱帶回香港做終點站：「自上次紅館20周年，已經差不多五年時間，亦就快出道25周年，睇吓紅館個期批唔批，希望可以在紅館做我25周年香港站。」

當晚演唱會由女兒心心做「嘉賓」，不過今次她不是表演側手翻，改為打鼓與媽媽合奏《負擔不起》。Jade表示：「我問佢紅館試過打翻筋斗、合唱、清唱，覺得佢又長大咗，咁啱佢開始學打鼓，佢真係苦練半年。頭先台上佢好淡定但我就緊張到背脊出汗。」Jade笑指未知女兒還有什麼「秘技」，估計跳舞成下一站表演項目。

心心表示現學習單簧管，盼有機會在舞台上展示「音樂天賦」：「喺屋企媽咪音樂最叻，跟住就係我，爹哋係最渣，他和音都唱唔啱。」完騷後大會安排「地道」大排檔慶功，Jade毫不介意貼地滿場飛敬酒，笑言女兒未曾嘗地道風味，今次讓愛女品嘗地道美食。

（點新聞特約記者陳惠芳報道）