移民講人系列｜移英港男呻麥當勞童黨猖獗　櫃枱搶嘢食、搞破壞兼毆打經理　警到場僅錄口供　網民嘲：係無限嘅縱容搞成咁

【點新聞報道】近日，有移英港男於社交平台Threads發文，怒斥當地的童黨惹事生非、極度討厭，帖文隨即引發網上熱議。

該名移英港男以「D英國童黨真係好討厭」為題發文，講述自己在當地麥當勞目睹童黨惹事生非的經歷。據樓主透露，當時他正於一間麥當勞內用餐，身後突傳巨響，定睛一看，原來是幾名童黨公然在櫃枱搶奪食物食用。面對如此囂張的行徑，餐廳經理僅表示「唔緊要，再整過」，隨後便走出去和仍逗留在門口的童黨們試圖理性溝通。

不料這群童黨完全不領情，樓主直指：「佢哋唔知邊度嚟的拐杖想開拖，開始喺門口攪（搞）事」，之後更悍然衝入店內與經理爆發肢體衝突。

眼見暴力事件發生，現場大部分食客卻全數化身「花生友」袖手旁觀。期間僅有一名男士看不過眼欲出手相助，卻被妻子制止。最終僅有另一名經理、職員及一名廚房職員幫忙制止，目睹這一幕的樓主不禁心寒感慨道：「其他都剩（淨）係識企喺度，D食客唔想幫手，（怕）變被告都好正常，呢個世界好冷漠。」

樓主指出，混亂中「童黨周圍扔嘢，又將出面d凳扔（掟）入去就走咗，經理眼鏡（睛）受傷同報咗警。」涉事童黨在警察到場前已離去，警察到場後也僅是按部就班地錄取口供。對於警方的處理方式，樓主抱怨：「D警察嚟到佢哋都走曬，除咗落record都唔知可以做乜……」

最終，樓主無奈表示，「佢哋做d嘢真係好黑（乞）人憎，又唔可以好似喺香港咁打X佢。」

帖文曝光後，隨即引來大批同樣深受其害的同路人留言吐苦水，「啲警察消極處理，就知點解啲童黨問題咁嚴重，已經唔係包容，係無限嘅縱容，搞到依家咁嘅田地」、「一直都話，凡涉及童黨99%冇人幫手，吃力不討好。幫手同內地嗰句（話一樣）『打輸住院打贏坐牢』，而對家係乜事都冇」、「班生番好似冇讀過書咁，老豆老母又唔教，個社會又縱容佢哋，咪搞到佢哋變成咁。」

此外，亦有不少網民直指這不過是英國的日常，「呢啲真係英國日常，睇你好唔好彩撞到」、「正常英國生活，英國比歐洲已經好啲，仍末（未）放火破壞。」