元朗一公屋擬推「智能門禁」　拍卡入樓停用密碼鎖　網民讚好：實用性高兼打擊濫用公屋

【點新聞報道】近日，有市民於社交平台分享一張大樓物業通告照片，顯示房屋署將於元朗洪水橋洪福邨引入智能門禁系統，以提升保安及便利住戶出入。事件在網上引發廣泛討論，不少網民更解讀為房署打擊「濫用公屋」及「非法轉租」的間接措施。

該市民上傳相片至Threads，並配文慨嘆：「公屋搞乜X嘢，拍卡入門口，嘥氣」。從上傳相片中可見，該份題為《有關洪福邨智能門禁系統服務登記安排》的通告，指為了提升屋邨保安管理及便利住戶出入，「房屋署將於洪福邨推行智能門禁系統」。新系統實施後，住戶可使用已登記的「八達通」或「智方便」個人碼進入大廈。辦事處在通告中以粗體字強調，現有的大廈密碼鎖將於智能門禁系統啟用6個月後正式停用。屆時尚未完成登記的住戶將無法透過密碼進入大廈，呼籲居民及早辦理，以免影響日常出入。

帖文曝光後隨即掀起網上熱議，大批網民力撐房署推行智能門禁，認為實用性極高，表示：「收數嗰啲唔使上門淋油」、「其實拍卡我覺得係好事，好X多X頭租間屋出去當Airbnb用，同埋會有啲人將大門密碼四X周圍派，用密碼根本等同無掩雞籠，阿豬阿狗都可以自出自入，知密碼就可以」、「拍卡幾好，啱我呢啲金魚腦」、「好過密碼鎖，一嘢拍電話落去就得。」

亦有不少網民認為，推行實名制或個人登記門禁，可用於打擊公屋濫用，讓違規住戶無所遁形，「全面監控，有冇長期空置單位冇人住」、「咩人會反對？濫用公屋嘅人，拍卡仲可以防止陌生人上樓」、「正常啦，之前住公屋對面成幾月冇見過人，擺明冇需要住間屋」、「其實咁係好喎，好似我隔離屋，要申報入息嗰1年先見到佢哋1家5口，今年報咗1個月，又成家唔見咗，如果拍卡，起碼知佢哋唔係日日喺度。」

據了解，近年來房屋署已積極推動公共屋邨採用智能門禁系統。