移民講人系列｜ BNO門檻擬提高至B2　「廢老森」拍片講風涼話　網民怒轟：日日坐喺屋企食課金

【點新聞報道】英國內政部擬提高 BNO簽證持有人申請永居的英文能力要求至B2水平，消息一出隨即喺移英圈子引發恐慌。不過，移英 KOL「廢老森」隨即拍片「安慰」同路人，指「唔使擔心，只要努力一定考到」。隨即引來網民怒轟，「廢老森」大講風涼話，狠批他早已年過65歲、依法獲得英文考試豁免。

有網民在社交平台threads發文狠批，移英的前港台節目《頭條新聞》主持吳志森在其YouTube頻道拍片講風涼話「叫人唔使擔心，只要努力一定考到咁話」，直指「佢無話你知嘅係，佢因已經65+可獲豁免英文能力試！」

樓主繼續狠批一眾移民KOL呃課金，「每次見到啲只靠拍片喺電子唐人街搵錢，工都唔使返，一星期可能講唔夠十句英文嘅移民 KOL 同人講移民好容易，我就覺得好Ｘ好笑。」樓主更嘲諷「廢老森」雖然新聞系畢業，但根本「唔識 facts check，讀埋晒一大堆 fake news」。

帖文一出，隨即引發大批網民共鳴，紛紛留言指「廢老森」 靠抽水食課金度日，「廢佬森攞咗永居梗係講風涼話啦！」、「日日坐喺間屋食課金發表偉論」、「這個 KOL 陰陽怪氣咁，原來他仍在靠亂吹搵食」、「廢老森，正常發揮」。

有網民呼籲抵制，「完全同意，呢班 KOL 連英國工都未搵過，日日只會鬧香港政府點衰來賺錢，所以我唔聽！」、「所有喺英國做 YouTuber 嘅，都要停睇！日日 copy 其它新聞，又加自己啲無知嘅見解，工又唔搵，靠做 YouTube 賺生活費。」