移民講人系列｜ 聞永居審批或要等40年　移加港男擬轉場英國　網民：咪又係去另一個地獄

【點新聞報道】西方國家近年相繼收緊移民政策，當初一窩蜂跟風移民的港人，最終落得兩頭唔到岸的窘境。日前，有移民加拿大港人在網上發文，抱怨自己申請開放式工作簽證（OOWP）等了近一年仍杳無音訊，甚至聽聞永久居民（PR）審批要等足40年，令他徹底崩潰，直呼「機已灰」，更揚言「此處不留人，自有留人處」，向網民尋求轉場到英國的意見，引來大批移民港人熱議。

該名移加港人在社交平台threads發文表示，對比英國BNO政策，指自己在加拿大等候工作簽證已經近一年，依然杳無音訊，更聞PR審批進度慢如龜速，甚至要等40年之久，「BNO 5+1政策不變，反觀，細佬我喺加拿大等個OOWP都等咗差唔多接近一年，仍然係杳無音訊。PR（永久居民）更加要話等40年」。

樓主坦言雖然喜歡當地，但長此下去絕非辦法，向網民請教是否有必要轉場，「我真係好鍾意加拿大，真心再咁落去都唔係辦法...此處不留人自有留人處，有冇人想轉場？機已灰。」

面對樓主的心灰意冷，網民看法兩極。有人力勸樓主認清現實、果斷止蝕走人，「時間重要過金錢，加拿大政府絕不可信，我係你就會走」、「有陣時，你好鍾意一個地方，都不等於可以長相廝守，勿浪費時間，共勉之！」、「加拿大玩完㗎啦，去英國啦！」、「真心建議冇乜太大家庭負擔，真係揹個背囊就行得嗰啲人，直接揀英國。」

然而，網民則奉勸樓主切勿輕易轉場，「你現家先嚟話轉，你係UK由頭嚟過5+1，難保果6年無事發生」、「轉場要再用多人生6年時間去等一個未知」、「唔建議轉場，轉場英國要使多一筆，又要重新適應，加上呢度搵工唔易」、「洗濕咗個頭，繼續落去啦...直到出到結果嘅一日」。

亦有同路人表達對加拿大當局的無奈與絕望，「已等4年PR，杳無音訊，都已經心灰意冷」、「如果搵到好嘅，轉啦！如果未搵到嘅，忍啦！」更有網民一針見血指出：「轉場咪又係去另一個地獄...可能返香港會仲好。」

不過，也有少數網民試圖說服樓主留低，「只講個地方同衣食住行，我覺得多倫多無得輸...如果個人喜好同我一樣其實就再盡搵方法留低」、「加拿大香港community強啲...嘢食同住屋嚟講加拿大勝，天氣嚟講英國勝，可以搵下自己個行人工中位數同租金再決定！」