移民講人系列｜移英港人怒數「不列顛交通七宗罪」　火車昂貴又甩轆　巴士污糟唔準時

【點新聞報道】英國公共交通滯澀，令一眾習慣於香港便利的移英港人大感不滿。近日有網民於社交平台發帖，以「係英國冇車真係慘」為題，引來大批居英港人留言，針對當地交通大倒苦水。

該網民於社交平台Threads上發帖，吐槽英國公共交通服務質量差且價格高昂：「係英國冇車真係慘X過食屎，岀城火車貴X到仆街+Cancel/Delay，搭巴士又唔點對點、唔準時、甩班、污糟。最慘係teeanagers同道友，乘客又臭又污糟，去邊都起碼要行成半個鐘先到。」他亦提及英國近日天氣陰冷，乘公交出門體驗極差，無車代步在當地生活猶如受罪。

帖文一出，迅速引來許多網民共鳴，紛紛留言和應。有人指出火車票價驚人：「由Manchester to London火車要幾日至幾星期book 50-80磅，冇prebook要100磅以上。」亦有人表示：「（英國）本身交通網太弱。」

然而，有網民回覆表示，開私家車亦並非完美的出行方式，直言養車、通勤成本同樣高昂：「英國揸車都貴到仆街，仲要英國嘅路係爛。」亦有人指出大城市塞車問題嚴重：「倫敦揸車冇可能，因為嗰邊交通成日都大塞車。」「在倫敦揸車的，我表示毫無駕駛樂趣。」

有網民則表示：「踩單車啦，師兄。」建議以單車代步。更有網民諷刺：「英衛兵去哂邊？」「但有自由空氣，乜都抵啦！」