移民講人系列｜風吹到企唔穩老闆仍叫返工　移英港男呻堪比10號風球：幾大風先可以放假？

【點新聞報道】香港設有八號風球及黑雨等突發危險天氣停工停課機制，惟不少移英港人離港後，才發現當地的極端天氣處理方式截然不同。近日，一名移英港男在社交平台發文大吐苦水，指上班前夕當地颳起狂風，體感甚至堪比香港的「10號風球」，惟老闆依然要求按時上班。最終他安全抵達公司，但仍忍不住求問網民：「究竟英國幾大風，先至可以唔使返工？」

該名移英港男在Threads上發文，無奈表示在上班前一日已開始颳起暴風，情況相當惡劣，「尋晚放工已經吹到企唔穩，今朝返工仲癲！」他形容當時風勢之大，體感簡直有如香港打10號風球，「人都俾風吹郁晒。」

面對極度惡劣的天氣，樓主自嘲自己心中仍流着「黎生」的使命感，硬着頭皮出門，幸好最後安全抵達公司。經過這次驚險歷程，他不禁向廣大在英的打工仔發問：「究竟要咩天氣，老闆先會話『今日唔使返啦』？」

帖文曝光後隨即引發網上熱議，不少同路人直言：「佢哋係調返轉的，大風大雨大雪照返工返學。酷熱天氣警告就會叫你唔好返。係呀，大風佢哋覺得好小事」、「自行決定，冇信心唔安全就唔返」、「英國返工係自行決定，老闆唔會同你講『使唔使返工』。因為佢同你講『唔使返工』，佢要補錢俾你，你自行決定唔使返工，係你自己冇人工。」

有網民揶揄：「應該冇（標準）㗎，據我經歷講我知，佢哋鍾意就會Phone in sick」、「英國人話唔返就唔返，請假唔使醫生紙，自己決定。」

此外，亦有部分網民分享自己在當地心酸經歷，指極端天氣下上班早已是日常：「幾年前啲雪半隻腳咁高都要番（返），嗰陣最唔明係點解香港有天氣警告叫啲人攞正牌唔使番（返）工，反而英國無（冇）」、「有啲x工真係假都唔俾請cls，請完返去仲要有後果。」