早高峰港鐵扶手梯港男求借過　2阿伯並排企阻路嗆「地鐵規矩」引熱議

【點新聞報道】近日網上流傳一段影片，顯示在早上上班通勤時段，港鐵大圍站發生一宗因乘搭扶手電梯「左行右企」還是「左右企穩」而引發的爭執事件，隨即掀起網上熱議。

從流傳影片可見，事發於港鐵屯馬綫大圍站。當時一名男乘客正乘搭扶手電梯前往月台，期間遇到兩位阿伯「左右並排」站立。男乘客見狀便出言表示：「唔該借借」，惟兩名阿伯拒絕讓路，雙方因而爆發口角。其中一名阿伯更氣勢洶洶地反嗆：「聽唔聽到，左右兩邊啊！地鐵規矩嚟㗎，（法）例嚟㗎！」最終兩名阿伯一直並排站立至扶手梯到達月台，男事主則舉起手機拍下經過。

事後事主將影片上載至社交平台，並無奈發文直言：「趕返工啊，可唔可以俾條生路行下？」他隨後解釋道：「我見到阿伯咁有性格咁守規則，咪拍低佢，見到我拍佢，就覺得人串親佢，更加道德x上身更加唔讓。」

影片曝光後，掀起網上熱烈討論。部分網民站在兩位長者一方，認為「左右企定」符合港鐵指引：「規矩就係規矩，你趕時間係你（嘅）問題」、「你又真係吹佢唔脹」、「撐阿叔，人哋鍾意行就行企就企，架車未到站，咪又係企喺月台等車」。亦有網民指出安全考量，「呢條咁長唔行都合理，地鐵日日都有人碌落（扶手）電梯，係你唔覺」。

不過，亦有大量網民批評兩位長者，「左右都企雖然係正確，但人哋都有禮貌叫你借一借，讓一下有乜所謂」、「有心借點會借唔到啊，前後都有多一格冇人企，佢哋後生嗰時就享受『左行右企』，老咗就阻住人『左行右企』，後生嗰時就咩都享受晒，老咗就渣都唔留俾下一代」、「其實xx本身已經好鐘意阻住地球轉，係而家地鐵講埋2邊企令佢哋更理直氣壯。我都試過成條（扶手）電梯係空嘅，兩條xx並排企傾偈，叫佢唔該借過都唔x肯讓，仲x我話我唔聽政府話…」。

對此，不少網民建議趕時間的市民應另選路徑：「阿叔唔讓你又真係吹佢唔脹，不過其實可能都只係爭2、3分鐘。下次趕，我會用樓梯」、「依家趕時間就樓梯，賭博就電梯。」