港鐵炮台山站口罩男捐閘　目擊者：自己爬入閘 再爬返出嚟

【點新聞報道】網上流傳一段港鐵炮台山站有男子捐閘出入的影片，有網民猜測他是否逃票，雖然有留言聲稱「港鐵職員話佢用錯QR code畀咗錢」。不過，大部分的網民不買賬，指「就算真係，都有員工通道可以開俾佢正常咁行出來」、「逃票就逃票啦，當自己練緊瑜伽咩」。

有網民在社交平台threads上載一段長約9秒影片，可見一名戴口罩、背着背包的白衣男子，在港鐵炮台山站近A出口伏低身體，從閘機棍底「捐」出閘外。期間，閘機感應到有人闖閘，即時亮起紅色交叉燈號。樓主更指出，好笑的是「佢係自己爬入閘，再爬返出嚟」。

影片曝光後引發網民熱議，有人猜測他是否逃票。不過，有網民在留言中聲稱，「港鐵職員話佢用錯QR code畀咗錢」。

不過樓主依然質疑這個講法，認為任何正常乘客遇到車資問題都會尋求客務中心協助，而不是自行像特約演員般爬入爬出，「就算真係，都有員工通道可以開俾佢正常咁行出來」。大部分網民亦不採信，「逃票就逃票啦，當自己練緊瑜伽咩」、「高手在民間，腰力唔錯，縮骨功最高境界」、「逃票定貪玩？」。