日本超市驚現「潤滑液」混入凍飲雪櫃　網民怒斥：相似度極高恐隨時搞出人命

【點新聞報道】日前，有市民在本港一間連鎖日本超市購物時，驚見一支外形與綠茶飲料極度相似的成人潤滑液，竟被惡意混入凍飲雪櫃中。事件曝光後，隨即在社交平台引發熱議。

該名目擊市民上載多張相片至Threads，並驚呼：「邊個咁鬼癲擺支潤滑液喺個雪櫃度」。目擊市民坦言第一眼看到時雖然覺得荒誕好笑，但隨即意識到問題嚴重性，遂立刻將物品物歸原位，並怒斥：「但係其實係好x危險㗎，萬一有人唔知飲x咗。所以師兄我幫你擺返咗落原位，下次唔好啦。」

從上載相片可見，該支名為「龜頭園」的潤滑液，其外觀設計與雪櫃內常見的日系綠茶飲料簡直如出一轍。兩者皆採用綠色外包裝配搭白色瓶蓋，瓶內液體呈現相似的黃色，甚至連瓶身上的日文字體風格都幾可亂真。

事件隨即掀起網上熱烈討論，大批網民直斥惡作劇者心態惡劣：「好x好笑咩，玩呢啲真係低能」、「擺（嗰）個條友xx，當有趣」、「其實可以報得警。呢個玩笑一啲都唔好笑，隨時搞出人命，條友心地勁差」。

不少網民留言感嘆兩支液體相似度極高，直呼肉眼難辨：「就算comment睇到邊支，依然覺得係綠茶，誤飲風險好高」、「望咗成5分鐘都分唔到邊支係潤滑液」。隨後，更有網民貼出一支和潤滑液外觀幾乎一模一樣的綠茶飲料，名為「伊藤園」。

亦有網民認為該款潤滑液本身的外形設計存在爭議，直言「個設計黑心，擺嗰個都擺明係特登玩嘢」。

此外，有理性網民建議超市應加強防範措施，「應該喺18禁區域加大警告字句，說明產品不能故意放在店舖其他範圍，否則會追究......然後CCTV公審」。